हामी सबैकाे संसारन्यूज

काठमाडौं । चीन र अमेरिकाबीचको तनाव फेरि उचाईमा पुगेको छ । चिनियाँ सैन्य समुहले तालिम गरिरहेको क्षेत्रमा अमेरिकाले दुई जासूसी विमान पठाएर निरिक्षण गरेपछि दुई देशबीचको तनाव बढेको हो । अमेरिकाले सैन्य सम्झौतालाई उल्लंघन गर्दै सीमा क्षेत्रमै घुसेर निरिक्षण गरेको चिनियाँ भनाई छ ।

सैन्य समुहको तालिम चलिरहेको बेला अमेरिकी दुई विमान पुगेपछि चिनियाँ सैन्य समुहले भने जवाफी कारबाही नगरी सावधानी अपनाएका थिए । जसबारे चीनको रक्षा मन्त्रालयका प्रवक्ता वु क्विनले आफ्ना सैन्य समुहले सावधानी नपआएको भए गम्भीर दुर्घटना हुनसक्ने प्रतिक्रिया दिएका छन् ।

चीनलाई जिस्क्याउने प्रर्यत्न गरिरहेको अमेरिकाले गत महिना मात्रै दुई फाइटर प्लेन संघाईदेखि ७५ किलोमिटर नजिकैको दुरीबाट उडान भरेको थियो ।

अमेरिकाले सैन्य सम्झौता उल्लंघन गर्यो : चीन

चीनको रक्षा मन्त्रालयका प्रवक्ता वु क्विनले अमेरिकाले दुई देशबीचको सैन्य सम्झौतालाई उल्लंघन गरेको प्रतिक्रिया दिएका छन् । चिनियाँ सञ्चारमाध्यमसँगको कुराकानीमा उनले आफ्ना सैन्य समुहको तालिम चलिरहेको बेला अमेरिकाले दुई जासुसी प्लेन पठाएर निरीक्षण गर्नु सम्झौताको उल्लंघन भएको बताए ।

अमेरिकी हरकद अत्यन्तै खरतनाकपूर्णं भएको टिप्पणी उनको छ । उनले चिनियाँ सैन्य समुहले सचेततापूर्वक सावधानी नअपनाएको भए ठुलो दुर्घटना हुने र त्यसले ठुलो रुप लिनसक्ने बताए ।

नियम उल्लंघन नगरेको अमेरिकाको दाबी

अमेरिकाले भने आफ्ना विमानले नियम उल्लंघन नगरेको दाबी गरेको छ । सीएनएनसँग कुराकानी गर्दै यूएस एयरफोर्सका अधिकारीले आफ्नो अधिकार क्षेत्रमा मात्रै काम गरेको दाबी गरे ।

उनले हिन्द महासागर क्षेत्रमा यसअघि पनि आफुँहरुले सैन्य गतिविधि गर्दै आएको बताए । आगामी समयमा पनि उक्त क्षेत्रमा आफुँहरुको गतिविधि रहने उनको भनाई छ । एजेन्सीको सहयोगमा