हामी सबैकाे संसारन्यूज

१२ भदौ, काठमाडौं । गण्डकी प्रदेशमा आज पनि २० जनामा कोरोना संक्रमण पुष्टि भएको छ ।

प्रदेशको स्वास्थ्य निर्देशनालयका अनुसार पोखरा क्षयरोग केन्द्र, पोखरा स्वास्थ्य विज्ञान प्रतिष्ठान र भरतपुर अस्पताल चितवनमा गरिएको परीक्षणमा २० जनामा कोरोना संक्रमण पुष्टि भएको हो ।

संक्रमित थपिएकामा नवलपरासीपूर्वको विनय त्रिवेणी १ का १७, ४०, ६७, ६१ वर्षीया ४ महिला र ६२ र २० वर्षीय २ पुरुष, देवचुली नगरपालिका वडा नं १५ की ५० वर्षीय महिला र १६ का ३० वर्षीय पुरुष तथा गैडाकोट ८ का २९ वर्षीय पुरुषमा संक्रमण पुष्टि भएको हो ।

त्यसैगरी लमजुङ मस्र्याङदी ४ र वेशीसहर ८ का ३० वर्षीय पुरुष र ३१ वर्षीया महिला, तनहुँ शुक्ला गण्डकी १२ का २२ वर्षीय पुरुष, ५ का ४२ वर्षीय पुरुष, ब्यास ३ का ३८ र ३१ वर्षीय पुरुष र कास्कीको पोखरा महानगरपालिका ३० की ५० वर्षीया महिला, १७ का २९ र २८ वर्षीय पुरुष, १६ का ६८ र ५२ वर्षीय पुरुषमा पनि संक्रमण पुष्टि भएको निर्देशनालयले जनाएको छ ।

आज थपिएका २० जनासँगै गण्डकी प्रदेशमा कोरोना संक्रमितको संख्या २०२५ पुगेको छ ।