Sansar News
१२ भदौ, काठमाडौं । यो साताको सुरुवातदेखिनै ओरालो लागेको सुनको भाउ विहिबार ८ सय रुपैयाँले बढेर उकालो लागे पनि शुक्रबारको बजारमा पुनः ओरालो लागेको छ ।
नेपाल सुनचाँदी व्यवसायी महासंघका अनुसार विहिबारको बजारमा ८ सय रुपैयाँले बढेर ९७ हजार ६ सय रुपैयाँमा कारोबार भएको छापावाल सुनको भाउ शुक्रबारको बजारमा भने ७ सय रुपैयाँले घटेर ९६ हजार ९ सय रुपैयाँमा कारोबार भइरहेको छ ।
त्यस्तै आज तेजावी सुन प्रतितोला ९६ हजार ४ सय रुपैयाँमा कारोबार भइरहेको छ भने चाँदीको भाउ ५ रुपैयाँले घटेर १३४० रुपैयाँ प्रतितोला कायम रहेको छ ।
वि.सं.२०७७ भदौ १२ शुक्रवार १४:३६ मा प्रकाशित
