हामी सबैकाे संसारन्यूज

१४ भदौ लन्डन । विश्वका विभिन्न देशमा कोरोना भाइरस (कोभिड १९) बाट संक्रमित रहेका ३४ हजार ७०१ नेपाली मध्ये निको हुनेको संख्या ३२ हजार ५११ पुगेको छ ।
गैरआवासीय नेपाली संघ  (एनआरएनए) को स्वास्थ्य समितिका अनुसार हालसम्म विश्वका ३८ देशमा रहेका नेपालीहरु कोरोना भाइरसबाट संक्रमित भएका हुन् ।
त्यसैगरी समितिले कोरोना भाइरस ९कोभिड-१९० को संक्रमणको जोखिम कम नभइसकेकोले थप सचेत र सावधान हुन नेपाली समुदायलाई आग्रह गरेको छ ।

समितिका संयोजक डा संजीव सापकोटाले सार्वजनिकस्थल मात्रै नभई बन्द कोठामा गरिने भेला र जमघटले पनि संक्रमण बढाउने भएकाले त्यस्ता खाले कार्यक्रम कम गर्न र गर्नैपर्ने भए सिमित संख्या र सामाजिक दूरी कायम गर्न आग्रह गरेका छन् ।

डा सापकोटाले कोरोना संक्रमणको बढ्दो जोखिमले सर्वसाधरणमा एक प्रकारको मनोवैज्ञानिक त्रास उत्पन्न गरेको भन्दै उनले उच्च मनोबल कायम गरेर सर्तकता अपनाउनु आग्रह गर्दै आफुलाई पहिलो प्राथमिकतामा राखेर सर्तकता अपनाउन अनुरोध गरेका छन् ।

त्यस्तै मानसिक तनावबाट सकेसम्म मुक्त हुन एक्लो नबस्न, साथीभाइसँग कुराकानी गर्न, गीतसंगीत सुन्न र योग तथा ध्यान गर्न समेत डा। सापकोटाले अनुरोध गरेका छन् । ’कोभिड-१९’ विरुद्ध भ्याक्सिन आगामी वर्षको पहिलो महिना ९जनवरी० भित्र सर्वसाधारणको लागि उपलव्ध हुने अपेक्षा गरिएको बताउँदै उनले सचेत र सावधान रही अघि बढ्न आग्रह गरेका छन् ।
कोरोना भाइरस विरुद्धको खोप जापान, अमेरिका, रुस, बेलायत, चीन, स्वीट्जरल्याण्ड ड् लगायतका देशमा तीव्र गतिमा उत्पादन र परिक्षणको प्रक्रिया अघि बढेको छ ।
संयोजक डा।सापकोटाका अनुसार साउथ अफ्रिका, पोर्चुगल, स्पेन, कतार साउदी अरब लगायतका देशमा कोरोना संक्रमण सामान्य वृद्धि भएको छ ।

अष्ट्रेलिया र युरोपका केही देशमा कोभिड–१९ को दोस्रो वेभ ९दोस्रो लहर० सुरु भएपछि नेपाली समुदायमा संक्रमण सामान्य रुपमा बढेको हो ।

हालसम्म ५३ हजार ६ सय ९९ जना नेपालीको उद्धार
विदेशमा अलपत्र परेका ५३ हजार ६ सय ९९ जना नेपालीको उद्धार भएको छ । गैरआवासीय आवासीय नेपाली संघ, नेपाल सरकार, विदेशस्थित कूटनीतिक नियोग एवं दूतावासको सहकार्यमा उनीहरुको उद्धार गरिएको हो ।