Sansar News
१५ भदौ, काठमाडौं । चितवनमा एक कोरोना संक्रमितको मृत्यु भएको छ ।
चितवनको भरतपुर अस्पतालमा उपचाररत भरतपुर महानगरपालिका ६ का ७८ वर्षीय पुरुषको सोमबार बिहान मृत्यु भएको अस्पतालले जानकारी दिएको छ ।
भदौ २ गते कोरोना संक्रमण भएको पुष्टि भएका उनी भदौ ६ गते श्वास–प्रश्वासमा समस्या भएपछि अस्पतालमा भर्ना भएका थिए । स्वास्थ्य अवस्था गम्भीर बन्दै गएपछि कोभिड आइसीयुमा राखेर उपचार गरिएका उनको आज (सोमबार) बिहान ७ः२० मा मृत्यु भएको अस्पतालले जनाएको छ ।
स्वास्थ्यकर्मीको अथक प्रयासमा उपचार गर्दागर्दै पनि मृत्यु भएको भन्दै अस्पतालले दुःख व्यक्त गरेको छ ।
आज थप एकजनाको मृत्यु भएसँगै चितवनमा हालसम्म कोरोना संक्रमणबाट मृत्यु हुनेको संख्या १२ पुगेको छ ।
वि.सं.२०७७ भदौ १५ सोमवार १०:२३ मा प्रकाशित
