हामी सबैकाे संसारन्यूज

१७ भदौँ । सेक्युरिटी प्रेस खरिद प्रक्रियामा मुछिएका विजय प्रकाश मिश्रलाई अख्तियार दुरुपयोग अनुसन्धान आयोगले ७ दिने सूचना जारी गरेको छ ।

गोरखापत्रमा सूचना प्रकाशित गर्दै अख्तियारले सेक्युरिटी प्रेस खरिद प्रक्रियामा स्वीस कम्पनीका स्थानीय एजेन्टसँग ७० करोड कमिसनका लागि मोलमोलाई गरेको भन्ने विषयको अनुसन्धानको सिलसिलामा बुझनुपर्ने भएको भन्दै मिश्रलाई ७ दिनभित्र हाजिर हुन आउन भनेको छ ।
उक्त समयभित्र नआए कानुन बमोजिम कार्वाही हुने बताइएको छ । स्रोतका अनुसार उनी हाल जापान पुगेका छन् ।

सेक्युरिटी प्रेस खरिद प्रक्रियामा तत्कालिन सूचना तथा संचारमन्त्री गोकुल बास्कोटाले ७० करोडको बार्गेनिङग भएको भन्दै मिश्रले अडियो सार्वजनिक गरेका थिए । सोही कारण मन्त्री बास्कोटाले राजीनामा समेत दिएका थिए ।