हामी सबैकाे संसारन्यूज

१७ भदौ, काठमाडौं । आज गण्डकी प्रदेश, प्रदेश ५ का थोरै स्थानहरुमा र कर्णाली प्रदेश तथा सुदुरपश्चिम प्रदेशका एक-दुई का भारी वर्षाको सम्भावना रहेको छ ।

जल तथा मौसम पूर्वानुमान महाशाखाका अनुसार आज देशभर सामान्यतया बदली रही धेरै स्थानहरूमा मेघगर्जन/चट्याङ्ग सहित हल्कादेखि मध्यम वर्षाको सम्भावना रहेको छ ।

त्यस्तै राती पनि देशभर सामान्यतया बदली रही केही स्थानहरुमा मेघगर्जन\चट्याङ्ग सहित हल्का देखि मध्यम वर्षाको सम्भावना रहेको छ । बागमती प्रदेश, गण्डकी प्रदेश र प्रदेश ५ एक वा दुई स्थानमा भारी वर्षाको सम्भावना रहेको छ ।

आज कुन-कुन नदीमा पानीको बहाव बढ्ने छ त ?
महाशाखाका अनुसार आगामी ३ दिन देशैभरका प्रमुख तथा मझौला नदीहरुमा बहाब सामान्य घटबढ हुने तथा सतर्कता भन्दा तलै हुने छन् ।

आज बागमती,गण्डकी प्रदेश, प्रदेश ५, कर्णाली र सुदूरपश्चिम प्रदेशको केहि पहाडी जिल्लामा क्षणिक मध्यम बर्षा भई स–साना नदीमा बहाब बढ्ने र केहि सहायक नदीमा आकस्मिक बहाब हुन सक्ने पनि महाशाखाले जनाएको छ ।