हामी सबैकाे संसारन्यूज

१९ भदौ,काठमाडौँ । अर्थ तथा सञ्चारमन्त्री डा. युवराज खतिवडाले आज (शुक्रबार) साँझ नै राजीनामा दिने घोषणा गरेका छन् ।

प्रधानमन्त्रीको सरकारी निवास बलुवाटारमा जारी मन्त्रिपरिषद् बैठकमा मन्त्री खतिवडाले सो कुराको जानकारी गराएका हुन् । उनले आफ्नो कार्यकालको समीक्षासहित राजीनामा दिने तयारी गरेको एक मन्त्रीले जानकारी दिए ।

बिहिबार प्रधानमन्त्री निवास बालुवाटारमा बसेको नेकपाको सचिवालय बैठकले नेकपाका उपाध्यक्ष वामदेव गौतमलाई राष्ट्रियसभामा रिक्त रहेको एक सिटमा पठाउने निर्णय गरेको थियो । डा खतिवडाको अर्थमन्त्री पद शनिबारदेखि सकिदै थियो, उक्त रिक्त पदमा गौतमलाई लाने तयारी भएको हो ।

बैठकमा प्रधानमन्त्री केपी शर्मा ओलीले अप्ठ्यारो अवस्थामा पनि सरकारमा बसेर काम गरेको भन्दै मन्त्री खतिवडालाई धन्यबाद दिएका थिए । डा.खतिवडाले आजै मन्त्री क्वाटर पनि छाड्ने तयारी गरेको स्रोतले बताएको छ ।