हामी सबैकाे संसारन्यूज

काठमाडौं । अर्थ तथा सञ्चार मन्त्री यूवराज खतिवडाले राजिनामा दिने घोषणा गरेका छन् । आज बसेको मन्त्रीपरिषद बैठकमा उनले आज साँझ नै राजिनामा दिने निर्णय गरेका हुन् ।

राष्ट्रिय सभामा रिक्त रहेको एक सिटमा नेकपा सचिवालयले उपाध्यक्ष बामदेब गौतमलाई पठाउने निर्णय गरेपछि मन्त्री खतिवडाको मन्त्रीमा रहिरहने सम्भावना सकिएको हो । पार्टिमा ठुलो बहस भएको देखेपछि खतिवडाले आँफु मन्त्री बनिरहन ईच्छा व्यक्त नगरेको कुरा स्रोतले बताएको छ ।

आज भएको मन्त्रीपरिषदको बैठकमा मन्त्री खतिवडाले आफ्नो कार्यकालमा भएको कार्यप्रगति प्रस्तुत गरेका थिए भने प्रधानमन्त्री ओलीले खतिवडालाई धन्यवाद दिएको स्रोतले जानकारी दिएको छ ।