हामी सबैकाे संसारन्यूज

२० भदौ, काठमाडौं । रुपन्देहीमा लकडाउनको अवधि बढाइएको छ ।  जिल्ला सुरक्षा समितिको आजको निर्णय अनुसार जिल्ला भर जारी रहेको लकडाउनलाई भदौ २८ गतेसम्मका लागि निरन्तरता दिने भएको हो ।

यस सम्बन्धी जानकारी दिँदै बुटवल उपमहानगरपालिकाले उपमहानगर क्षेत्रभित्र आम नगरवासीलाई स्वास्थ्य सुरक्षा मापदण्डको पालना गरी सुरक्षित रहन अनुरोध गरेको छ ।

महानगरले घर बाहिर निस्कदा अनिवार्य मास्कको प्रयोग गर्न अनुरोध गर्दै अति आवस्यक दैनिक उपभोग्य वस्तु र सेवा विहान ९ बजेसम्म र बेलुका ५ बजेदेखि बेलुका ७ बजेसम्म अन्य औषधिजन्य वस्तु र सेवा निरन्तर सन्चालन हुने र व्यापार व्यवसायहरु विहान ११ बजेदेखि बेलुका ६ बजेसम्म मात्र सन्चालन गर्न सकिने समेत जानकारी दिएको छ ।