Sansar News
२८ भदौ, काठमाडौं । बैंक अफ काठमाण्डूले आफ्नो ग्राहकहरुको सुविधालाई मध्यनजर गर्दै सरल किस्ताबन्दीमा घरायसी विद्युतिय उपकरण खरिद गर्न सकिने योजना सार्वजनिक गरेको छ ।
नेपाली हिन्दुहरुको महान चाडपर्वलाई लक्षित गरी ल्याइएको सरल किस्ताबन्दी सहितको विशेष योजनामा बैंकको क्रेडिट कार्ड बाहक ग्राहकहरुले आफूलाई आवश्यक सिजी, एलजी, गोद्रेज, टिसिएल, सेन्साई, इल्का, केन्ट तथा ब्ल्याक एण्ड डेकोर ब्रान्डको घरायसी विद्युतिय उपकरणहरु सरल किस्ताबन्दीमा खरिद गर्न सक्ने बै.ले जनाएको छ ।
यस योजना अन्र्तगत बैंकको क्रेडिट कार्ड बाहक ग्राहकहरुले ती कम्पनीका घरायसी विद्युतिय उपकरणहरु जस्तै टिभि, मोबाइल, म्युजिक सिस्टम, लुगा धुने मेसीन, एसि, माईक्रो वेभ, भ्याकुम क्लिनर, डिस वासर, स्टाईलर, वाटर प्रुफ सिस्टम, चिम्नी एण्ड किचन एप्लाएन्स किस्ताबन्दीमा खरिद गर्न सक्नेछन् ।
यस योजनाबाट बैंकको क्रेडिट कार्डको प्रयोग गरी किस्ताबन्दीमा घरायसी विद्युतिय उपकरण खरिद गर्दा ग्राहकहरुलाई कुनै पनि ब्याज लाग्ने छैन । बैंक अफ काठमाण्डू लिमिटेड र सिजी डिजीटल प्रा.ली. बिच भएको ब्यापारीक सम्झौता अन्र्तगत बैंकको ग्राहकहरुलाई यो सरल किस्ताबन्दीको योजनाहरु विभिन्न स्थानको सोरुमहरुबाट उपलब्ध हुनेछन् ।
सिजी सोरुमहरु :
कुमारीपाटी, रबिभबन, टंगाल, त्रिपुरेश्वर, नयाँबजार, भक्तपुर, किर्तिपुर, हात्तिगौंडा, इटहरी तथा भरतपुर
एलजी सोरुमहरु :
मिनभबन, सिभिल मल, जावलाखेल, कान्तीपथ, चाबहिल, सितापाइला, इमाडोल तथा बिराटनगर
यो इलेक्ट्रोनिक सामान खरिदमा शुन्य प्रतिशत ब्याजदरको किस्ताबन्दी योजनाका बारेमा थप जानकारी आवश्यक भएमा ग्राहकहरुले बैंकको कार्ड सेन्टरको टेलिफोन नम्बर (०१–४४२७३९८) मा सिधै सम्पर्क गर्न सक्ने बैकद्वारा अाइतबार जारी गरिएको बिज्ञप्तिमा जनाईएको छ ।
वि.सं.२०७७ भदौ २८ आइतवार १६:४१ मा प्रकाशित
