हामी सबैकाे संसारन्यूज

२९ भदौं, काठमाण्डौं । नेपालमा सोमबार ( २९ भदौ) सम्म पिसीआर प्रविधिबाट ८ लाख ५१ हजार ४०५ वटा कोरोना भाइरसको नमुना परीक्षण गरिएको छ ।

जसमा पछिल्लो २४ घण्टामा पिसीआर प्रविधिबाट १०,८७८ वटा नमुना परीक्षण गरिएको स्वास्थ्य तथा जनसंख्या मन्त्रालयका प्रवक्ता जागेश्वर गौतमले सोमबार आयोजित नियमित पत्रकार सम्मेलनमा जानकारी दिएका छन् ।

त्यसैगरी हालसम्म देशैभरी संक्रिय संक्रमित १५,३९३ जना रहेका छन् । ती मध्ये देशका विभिन्न अस्पताल तथा आइसोलेशन सेन्टरहरुमा ८,११८ जनाको उपचार भइरहेको छ । साथै होम आइसोलेसनमा बस्नेको संख्या ७,२७५ रहेको छ भने देशैभरीका विभिन्न क्वारेन्टिनमा रहनेको संख्या संख्या ६,८९२ रहेको छ ।
त्यसैगरी देशभरका विभिन्न अस्पतालको आइसीयुमा १७९ जना संक्रमित उपचाररत छन् ।

मन्त्रालयका अनुसार प्रदेश १ मा ५, प्रदेश २ मा ९, बागमती प्रदेशमा १२९, गण्डकी प्रदेशमा ६, प्रदेश नं ५ मा २०, कर्णाली प्रदेशमा १० जना गरी जम्मा १७९ जना आइसीयुमा उपचाररत छन् ।

त्यसैगरी प्रदेश १ मा १ जना, बागमती प्रदेशमा २६ जना, प्रदेश ५ र सुदूरपश्चिम प्रदेशमा १\१ जना गरी जम्मा २९ जना भेन्टिलेटरमा उपचाररत छन् ।

त्यस्तै ५०० भन्दा बढी संक्रमित उपचार रहेको जिल्ला मोरङ, सुनसरी, सर्लाही, काठमाडौं भक्तपुर चितवन र रुपन्देही गरी ७ वटा रहेका छन् । साथै हालसम्म संक्रमित शून्य भएका जिल्लाहरु ७ पुगेका छन् । जसमा सोलुखुम्बु, मनाङ, मुस्ताङ, म्याग्दी, मुगु, डोल्पा र हुम्ला रहेका छन् ।

त्यस्तै आज थपिएका ११७० जनासँगै नेपालमा हालसम्मको कूल संक्रमितको संख्या ५५ हजार ३२९ पुगेको छ । साथै आज ८७९ जना निको भएसँगै नेपालमा हालसम्म कोरोना संक्रमणबाट मुक्त हुनेको संख्या ३९ हजार ५७६ पुगेको छ ।

आज १५ जना थपिएसँगै नेपालमा हालसम्म कोरोना संक्रमणबाट ज्यान गुमाउनेको संख्या ३६० पुगेको छ ।

आज काठमाडौं उपत्यकाका ५१२ सहित ११७० जनामा कोरोना संक्रमण
नेपालमा आज काठमाडौं उपत्यकाका ५१२ जनासहित देशैभरी ११७० जना कोरोना संक्रमित थपिएका छन् ।

स्वास्थ्य तथा जनसंख्या मन्त्रालयका अनुसार आज काठमाडौंमा ४४०, भक्तपुरमा ४३ र ललितपुरमा २९ जना संक्रमित थपिएका हुन् ।

मन्त्रालयका अनुसार आज प्रदेश १ को उदयपुरमा २, ओलढुंगामा १९, झापामा ७, भोजपुरमा २, मोरङमा ३२ र सुनसरीमा ४६ जना संक्रमित थपिएका हुन् ।

प्रदेश २ को धनुषामा ६, पर्सामा ९, बारामा १२, महोत्तरीमा १, सप्तरीमा २, सर्लाहीमा २ र सिराहामा ३४ जना संक्रमित थपिएका छन् ।

बागमती प्रदेशको काठमाडौंमा ४४०, काभ्रेपलान्चोकमा १८, चितवनमा ३१, दोलखामा १, धादिङमा ८, नुवाकोटमा ३, भक्तपुरमा ४३, मकवानपुरमा १४, रामेछापमा १, ललितपुरमा २९ र सिन्धुलीमा १ जनामा संक्रमण देखिएको छ ।

गण्डकी प्रदेशको कास्कीमा ५४, गोरखामा १०, तनहुँमा १७, नवलपरासीपुर्वमा २, लमजुङमा ४, बागलुङमा २ र स्याङजामा २ जना संक्रमित थपिएका छन् ।

त्यस्तै प्रदेश नं ५ को कपिलवस्तुमा ६, अर्घाखाँचीमा १, गुल्मीमा २, दाङमा ४५, नवलपरासीमा ७, पाल्पामा ७, बाँकेमा २४, रुपन्देहीमा ८१ र रोल्पामा २ जनामा संक्रमण पुष्टि भएको छ ।

कर्णाली प्रदेशको जाजरकोटमा २, कालिकोटमा १, दैलेखमा ७, सल्यानमा २ र सुर्खेतमा ३९ जना संक्रमित थपिएका हुन् ।

सुदूरपश्चिम प्रदेशको अछाममा ५, कन्चनपुरमा ३, कैलालीमा ७०, डडेल्धुरामा १, डोटीमा ८ र बझाङमा ३ जना संक्रमित थपिएसँगै आज देशैभरी ११७० जना संक्रमित थपिएका छन् । जसमा महिला ३९९ र पुरुष ७७१ जना रहेका छन् ।

आज थपिएका ११७० जनासँगै नेपालमा हालसम्मको कूल संक्रमितको संख्या ५५ हजार ३२९ पुगेको छ ।

आज ८७९ जनाले कोरोना जितेर डिस्चार्ज भएसँगै निको हुनेको संख्या ३९,५७६ पुग्यो
नेपालमा आज कोरोना संक्रमणबाड ८७९ जना निको भएका छन् ।
स्वास्थ्य तथा जनसंख्या मन्त्रालयले दिएको जानकारी अनुसार पछिल्लो २४ घण्टामा देशका विभिन्न आइसोलेशन सेन्टर र होम आइसोलेसनमा रहेकाहरु मध्ये ८७९ जना संक्रमणबाट मुक्त भएर डिस्चार्ज भएका हुन् । आज निको भएका ८७९ जनासँगै नेपालमा कोरोना संक्रमणबाट मुक्त हुनेको संख्या ३९ हजार ५७६ पुगेको छ ।

हालसम्म कुन प्रदेशमा कति निको भए त ?
प्रदेश १ मा ३८८५, प्रदेश २ मा ११०५६, बागमती प्रदेशमा ७,८१९, गण्डकी प्रदेशमा २२७० प्रदेश नं ५ मा ६,५००, कर्णाली प्रदेशमा २५२५ र सुदूरपश्चिम प्रदेशमा ५९२१ जना गरी हालसम्म जम्मा ३९ हजार ५७६ जना निको भएका हुन् ।

यस्तो छ क्वारेन्टिनमा रहनेको संख्या
प्रदेश १ मा ९०५, प्रदेश २ मा ४३०, बागमती प्रदेशमा ४९४, गण्डकी प्रदेशमा ५६१, प्रदेश नं ५ मा १८०७, कर्णाली प्रदेशमा ७०४ र सुदूरपश्चिम प्रदेशमा १९९१ जना गरी जम्मा ६,८९२ जना विभिन्न स्थानीय निकायका क्वारेन्टिनमा रहेका छन् । यो संख्या दिनप्रतिदिन घटिरहेको छ ।

यस्तो छ संस्थागत तथा होम आइसोलेसनमा रहनेको संख्या
प्रदेश अनुसार संस्थागत आइसोलेशनमा रहनेमा प्रदेश १ मा ३३७, प्रदेश २ मा ९३३, बागमती प्रदेशमा ४१००, गण्डकी प्रदेशमा ८१४, प्रदेश नं ५ मा १२५२, कर्णाली प्रदेशमा २७८ र सुदूरपश्चिम प्रदेशमा ४०४ जना गरी हालसम्म जम्मा ८,११८ जना संस्थागत आइसोेलेसनमा रहेका छन् ।

त्यस्तै होम आइसोलेसनमा बस्नेहरुमा प्रदेश १ मा १,११७ प्रदेश २ मा १०५४, बागमती प्रदेशमा ३८०७, गण्डकी प्रदेशमा १८२, प्रदेश नं ५ मा ७७८, कर्णाली प्रदेशमा ९४ र सुदूरपश्चिम प्रदेशमा २४३ जना गरी ७,२७५ जना रहेका छन् ।

कोरोना संक्रमणबाट आज काठमाडौं उपत्यकाका ८ सहित १५ जनाको मृत्यु
नेपालमा आज कोरोना संक्रमणबाट उपत्यकामा ८ सहित १५ जनाको मृत्यु भएको छ ।

स्वास्थ्य तथा जनसंख्या मन्त्रालयका अनुसार आज ९ जिल्लाका १५ जनाको मृत्यु भएको छ । जसमा ५ जना महिला र १० जना पुरुष रहेका छन् ।

मन्त्रालयका अनुसार आज काठमाडौंकी ६१ वर्षीया, गोरखाकी ६३ वर्षीया, नवलपरासीकी ६२ वर्षीया, पर्साकी ५५ वर्षीया र कपिलवस्तुकी ४७ वर्षीया गरी ५ महिलाको कोरोना संक्रमणबाट मृत्यु भएको हो ।

त्यसैगरी मोरङका ४० र ७० वर्षीय, काठमाडौंका ७७ ६२,७३,८५,७० वर्षीय ५ पुरुष र ललितपुरका ५५ वर्षीय, भक्तपुरका ७३ वर्षीय र रामेछापका १ जना गरी १० पुरुषको मृत्यु भएको हो ।

आज थपिएका १५ जनासँगै नेपालमा कोरोना संक्रमणबाट ज्यान गुमाउनेको संख्या ३६० पुगेको छ ।