हामी सबैकाे संसारन्यूज

काठमाडौं । सत्तारुढ नेपाल कम्युनिष्ट पार्टी (नेकपा)को सचिवालय बैठक सुरु भएको छ । पूर्वमाओवादी पार्टीको कार्यालय रहेको पेरिसडाँडामा बैठक सुरु भएको हो ।

बैठकमा प्रधानमन्त्रीसमेत रहेका पार्टी अध्यक्ष केपी शर्मा ओली पनि सहभागी छन् । बैठकको अध्यक्षतामा भने पार्टीका कार्यकारी अध्यक्ष पुष्पकमल दाहाल ‘प्रचण्ड’ले गरेका छन् ।

पार्टी एकता पछि पहिलो पटक पूर्वमाओवादीको केन्द्रिय कार्यालय पेरिसडाँडामा नेकपा सचिवालय बैठक बसेको हो । बैठक यसअघि धुम्बाराहीस्थित केन्द्रीय कार्यालय र प्रधानमन्त्री निवास बालुवाटारमा बस्दै आएको थियो ।

आजको बैठकमा मन्त्रिमण्डल पुनर्गठनदेखि संवैधानिक नियुक्तीसम्मका विषयमा छलफल हुने भएको छ । पार्टी विवाद समाधान गर्न गठित कार्यदलले मन्त्रिमण्डल पुर्नगठन, मुख्यमन्त्री हेरफेरलगायतका एजेण्डामा सुझाब दिएको थियो । सोही एजेण्डामा आजको बैठक केन्द्रित हुने नेकपाले जनाएको छ ।