Sansar News
काठमाडौं । प्रदेश नं. १ का मुख्यमन्त्री शेरधन राईविरुद्व मुद्दा हालेर चर्चामा आएकी बालिका खड्का पक्राउ परेकी छिन् । उनी सत्तारुढ नेकपाको पेरिसडाँडास्थित पार्टी कार्यालयबाट पक्राउ परेकी हुन् ।
प्रहरीले जनाएअनुसार नेकपाको सचिवालय बैठक बसिरहेको बेला जबरजस्ती बैठक स्थलतिर प्रवेश गर्न खोजेपछि उनलाई पक्राउ गरिएको हो ।
उनले मुख्यमन्त्री राई श्रीमान रहेको भनी नाता सम्बन्ध कायम गरेर अंश पाउँ भन्दै मुद्दा दायर गरेकी गरेकी थिइन् । तर, प्रमाण जुटाउन नसकेपछि हालैमात्र उनले काठमाडौं जिल्ला अदालतबाट मुद्दा फिर्ता लिएकी थिइन् ।
पक्राउ परेकी खड्कालाई महानगरीय प्रहरी प्रभाग कोटेश्वरमा राखिएको छ । राईले २०७३ सालमा मन्त्री हुँदा र त्यसअघि पनि शारीरिक शोषणा गरेको खड्काले आरोप लगाउँदै आएकी छिन् ।
वि.सं.२०७७ असोज ४ आइतवार १४:२६ मा प्रकाशित
