Sansar News
६ असोज । सोलुखुम्बुको माप्य दूधकोशी गाउँपालिका–५ का वडाध्यक्ष निमराज तामाङको मंगलबार आफ्नै घरमा करेन्ट लागेर मृत्यु भएको छ ।
करेन्ट लागेर घाइते भएका ३९ वर्षीय तामाङको उपचारको क्रममा निधन भएको जिल्ला प्रहरी कार्यालय सोलुखुम्बुका प्रहरी नायब उपरीक्षक टेकुनन्दइवा लिम्बूले जानकारी दिए ।
प्रहरीका अनुसार आज बिहान साढे आठ बजे घरको छतबाट हाइटेन्सन लाइनमा छुँदा करेन्ट लागेर घाइते भएका उनको जिल्ला अस्पताल थाप्लुमा उपचारको क्रममा मृत्यु भएको हो ।
तामाङ स्थानीय तहको निर्वाचनमा तत्कालीन नेकपा एमालेबाट निर्वाचित भएका थिए । उनी लेखापढी व्यवसायी सङ्घ सोलुखुम्बुको अध्यक्षसमेत थिए ।
वि.सं.२०७७ असोज ६ मंगलवार १२:४० मा प्रकाशित
