हामी सबैकाे संसारन्यूज

काठमाडौं । कोरोना महामारीको कारण अलपत्र परेका श्रमिकहरुको व्यवस्थापन सरकारले गरेको वेवास्ताप्रति जनता समाजवादीका नेता डा. बाबुराम भट्टराईले विरोध जनाएका छन् । उनले सरकारका मान्छे कमिसनको भागण्डामा मात्रै मस्त बनेको आरोप लगाए ।

सामाजिक सञ्जाल ट्विरमा उनले श्रमिकहरुको आँसुले सत्तासिनलाई पिर्ने पनि टिप्पणी गरेका छन् ।

सामाजिक सञ्जालमा भट्टराईले भनेका छन् , ‘श्रमिकको मुक्तिको नाउँमा भोट मागेर सत्तासीन भएकाहरू सिंहदरबाररबालुवाटारमा कमिसनको भागबण्डा, आफ्ना आसेपासेलाई कुर्सीको भागबण्डामा व्यस्त छन् ! यिनको आँसुले एकदिन पिर्छ पिर्छ !’

हजारौं श्रमिकहरू कोरोना महामारीले वेरोजगार बनेर सडकमा छन्!बाँडेको भात आँसुले मुछेर खाइरहेछन्(हेरौं यो भिडियो)!श्रमिकको मुक्तिको नाउँमा भोट मागेर सत्तासीन भएकाहरू सिंहदरबार/बालुवाटारमा कमिसनको भागबण्डा,आफ्ना आसेपासेलाई कुर्सीको भागबण्डामा व्यस्त छन्!यिनको आँसुले एकदिन पिर्छ पिर्छ! https://t.co/QuJFUBBVxX

— Baburam Bhattarai (@brb1954) September 26, 2020

पछिल्लो समय कोरोना महामारीसँगै लाखौंको संख्यामा श्रमिकहरु बेरोजगार बन्न पुगे । गाउँ जान नपाएका श्रमिक काठमाडौंको चोक–चोकमा अलपत्र अवस्थामा छन् ।

अलपत्र परेका श्रमिकलाई विभिन्न सहयोगी संस्थाहरुले सहयोग गरिरहँदा सरकार भने मुखदर्शक बनेको छ । जसको चौतर्फी विरोध भईरहेको छ ।