हामी सबैकाे संसारन्यूज

काठमाडौं । नबिल बैकले नेपाल धितोपत्र बजार (नेप्से)मा सुचिकृत कम्पनीका शेयरहरु धितो राखेर सस्तो ब्याजदरमा “नबिल शेयर”कर्जा दिन सुरु गरेको छ ।
रु. ५० लाख अथवा सो भन्दाबढीको नबिल शेयर कर्जा वार्षिक ७.७५ को आकर्षक ब्याजदरमा उपलब्ध गराईने पनि बैंकले जनाएको छ ।

दशैंको अवसरमा राष्ट्र बैंकको मार्ग निर्देशनभित्र रही नबिल बैंकका सम्पूर्ण शाखाहरुबाट शेयर धितो कर्जा प्राप्त गर्न सकिने बैंकद्वारा जारी गरिएको बिज्ञप्तिमा जनाईएको छ ।

नबिल बैंक निजि क्षेत्रको अग्रणी बैंक हो । यसका देश भरी ११९ शाखाहरु र १८५ एटिएम काउण्टरहरु रहेका छन् । नबिल बैंकले नेपाली बैंकिङ्ग क्षेत्रमा नविनतम् सेवाको शुरुवात गर्न अग्रणी भूमिका खेलेको छ । देशको पहिलो डिजिटल बैंक बन्ने उद्देश्यले हालै नबिल बैंकले नबिल डिजी बैंकको स्थापना गरेको हो । साथै यसले नेपालको बैंकिङ्ग विकासको ईतिहासमा कोसेढुङ्गाको रुपमा काम गर्दै आएको छ र यसले ग्राहकको सन्तुष्टि सहित आधुनिक बैंकिङ्ग युगको शुरुवात गर्नु आफ्नो व्यवसायलाई ग्राहकहरुको उच्च सन्तुष्टि प्रदान गर्ने तर्फ केन्द्रित गरेको जनाएको छ ।