हामी सबैकाे संसारन्यूज

१२ असोज, स्पेन । स्पेनमा १५ वर्षीया एक नेपाली किशोरीको मृत्यु भएको छ ।

स्पेनमा बाबुआमासँगै रहेकी भरतपुर महानगरपालिका ८ चितवनकी भविष्यता न्यौपानको उपचारका क्रममा अस्पतालमै मृत्यु भएको हो ।
गत जुलाईदेखि ढाड दुख्ने, मुख र घाँटीमा केही विमिरा आएको तथा कुम पनि दुख्ने समस्या देखिएपछि फेमली डाक्टरलाई देखिाएकी उनको डाक्टरले औषधि खान आग्रह गरेका थिए । तर, समस्या झन् बल्झदै गएपछि अस्पताल पुगेकी उनलाई ब्लड क्यान्सको आशंकामा आलिकान्तेस्थित अस्पतालमा आइसीयुमा राखेर उपचार गराइएको थियो ।

४२ दिनसम्म अस्पतालको आइसीयुमा राखेर उपचार गरिएकी न्यौपानेको असोज ८ गते (२४ सेप्टेम्बर) का दिन अस्पतालमै मृत्यु भएको हो ।

स्पेनमा सामाजिक रुपमा परिचित भरतराज न्यौपानेकी छोरी थिइन् भविष्यता । दुईवर्ष अघिमात्र परिवारलाई स्पेन लगेका भरतराज छोरी गुमाउनुको पीडाले भावबिह्वल भएका छन् ।

भविष्यताको आज स्पेनको आलिकान्तेमा अन्तिम संस्कार गरिदैछ । नेपाल स्पेन समाज कोष्टाब्लान्काले अन्त्ेष्टिका लागि कागजी प्रक्रिया मिलाएको बताइएको छ । शव व्यवस्थापन तथा परिवारको सहयोगार्थ स्पेनका विभिन्न सहरमा रकम संकलन भइरहेको पनि स्पेनबाट पत्रकार बसन्त रानाभाटले जनाएका छन् ।

समाजका अध्यक्ष अकल बोहोराका अनुसार कोस्टा ब्लाङकामा मात्रै झण्डै ६ हजार युरो संकलन भएको र एनआरएनए स्पेनले पनि मूल सहयोग समिति गठन गरेर सहयोगका लागि सबैलाई आव्हान गरेको छ ।

अन्तिम संस्कार र श्रदान्जलीका लागि
मिति : सोमबार २८ सेप्टेम्बर २०२०
समय : १:०० देखि २:३० सम्म
स्थान – Tanatorio Crematorio
Marina Baixa
Ctra. Nacional 332 km 142,3,
03570 Villajoyosa, Alicante