हामी सबैकाे संसारन्यूज

काठमाडौं । विश्व स्वास्थ्य संगठनले कोरोना भाइरस (कोभिड–१९)को परीक्षण गर्ने किटलाई स्वीकृत दिएको छ । स्वास्थ्य संगठनका साझेदार संस्थाहरुले तयार गरेको किटलाई उसले स्वीकृत दिएको हो ।

जनाइएअनुसार उक्त किट जम्मा ५ डलरमा उपलब्ध हुनेछ । जुन नेपाली मुल्य करिब ५८५ रुपैयाँ मात्रै पर्न आउँछ ।

स्वास्थ्य संगठनले आगामी ६ महिनाभित्र १२ करोड परीक्षण किट तयार गरिसक्ने बताएको छ । विश्वका निम्न र मध्य स्तरका आर्थिक हैसियत भएका १३३ मुलुकलाई यो किट उपलब्ध गराइने स्वास्थ्य संगठनको भनाई छ ।

जनाइएअनुसार स्वास्थ्य संगठनले तयार गरेको किटले १५ देखि ३० मिनेटभित्रै नतिजा दिनेछ ।

विभिन्न कम्पनीले तयार गरेका परीक्षण किटहरुप्रति विश्वास नभईरहेका बेला स्वास्थ्य संगठनले तयार गरेको किटले कोरोना नियन्त्रणमा थप सहयोग पुग्ने आशा गरिएको छ । जनाइएअनुसार स्वास्थ्य संगठनले तयार गरेको किट प्रशिक्षित स्वास्थ्यकर्मीको उपस्थीति बिना नै सामान्य मानिसले समेत परीक्षण गर्न सक्नेछन् । एजेन्सीबाट