हामी सबैकाे संसारन्यूज

काठमाडौं । नेपाल कम्युनिष्ट पार्टी (नेकपा)का नेता भीम रावलले त्रिभुवन अन्तराष्ट्रिय विमानस्थलको भूमिस्थ सेवा नेपाल वायु सेवा निगमले नै पाउनुपर्ने बताएका छन् । विमानस्थलको भूमिस्थ सेवा निजि क्षेत्रका एयरलाईन्सलाई दिने सन्दर्भ उठेपछि उनले यसो भनेका हुन् ।

रावलले सामाजिक सञ्जाल ट्विटरमार्फत भनेका छन्, ‘त्रिभुवन अन्तरराष्ट्रिय विमानस्थलको भूमिस्थ सेवा नेपाल वायुसेवा निगमले नै सञ्चालन गर्न पाउनु पर्छ ।’

त्रिभुवन अन्तरराष्ट्रिय विमानस्थलको भूमिस्थ सेवा नेपाल वायुसेवा निगमले नै सञ्चालन गर्नपाउनु पर्छ। त्यस्तो सेवा सरकारी स्वामित्वमा रहेको निगमबाट प्रभावकारीरूपमा सञ्चालन गर्न व्यवस्थापनमा थप सुधार र साधन, उपकरण आवश्यक भए त्यो गरियोस्।यस्तो सेवामा एकरूपता र स्तरोन्नति आवश्यक छ।

— Bhim Rawal, PhD (@BhimRawal179) September 30, 2020

उनले सरकारी स्वामित्वको निगमलाई थप सुधार र व्यवस्थित गराउँदै भूमिस्थ सेवा पनि निगमलाई नै दिन माग गरेका छन् । ‘सेवा सरकारी स्वामित्वमा रहेको निगमबाट प्रभावकारीरूपमा सञ्चालन गर्न व्यवस्थापनमा थप सुधार र साधन, उपकरण आवश्यक भए त्यो गरियोस्, यस्तो सेवामा एकरूपता र स्तरोन्नति आवश्यक छ’, उनले भनेका छन् ।

सरकारले हालै राष्ट्रिय ध्वजाबाहक नेपाल वायु सेवा निगमलाई नै असर पर्ने गरी निजि क्षेत्रको हिमालय एयरलाइन्सलाई भूमिस्थ सेवा (सेल्फ ग्राउन्ड ह्यान्डलिङ) दिने निर्णय गरेको थियो । जसको निकै विरोध भएसँगै सरकार पछाडि हटेको छ । तर पुनः निर्णय सदर हुनसक्ने भन्दै आशंकाहरु जन्मिएका छन् ।