हामी सबैकाे संसारन्यूज

ओसज १५, काठमाडौँ । कोलकत्ता नाईट राइडर्सले आईपिएलमा आफ्नो लगातार दोस्रो जित निकालेको छ । हिजो भएको खेलमा अपराजित राजिस्थानलाई ३७ रनले पराजित गदैँ कोलकत्ताले आफ्नो तेस्रो खेलबाट पनि २ अकं जोड्दैँ अकं तालिकामा ४ अकं सहित दोस्रो स्थानमा पुगेको छ ।

टस हारेर पहिले ब्याटिङ्ग गरेको कोलकत्ताले २० ओभरमा ६ विकेट गुमाएर १७४ रन बनाएको थियो । कोलकत्ताका लागि शुभमन गिलले सर्वाधिक ४७ रन बनाएका थिए । त्यसैगरी राजिस्थानका लागि बलिङ्गमा जोफ्रा आर्चरले २ विकेट निकाले ।

कोलकत्ताले दिएको १७५ रनको लक्ष्य राजिस्थानले पुरै २० ओभर खेल्दा पनि पुरा गर्न सकेन । राजिस्थानले २० ओभरमा ९ विकेट गुमाएर १३७ रन मात्र बनाउन सक्यो । राजिस्थानका लागि टम करणले ३४ बलमा ५४ रनको विस्फोट पारी खेलेता पनि टिमलाई जित भने दिलाउन सकेनन् । त्यसैगरी कोलकत्ताका लागि बलिङ्गमा कमलेश नगरकोटी, शिवम मावी र वरुण चक्रवर्तीले सर्वाधिक २\२ विकेट लिएका थिए ।

राजिस्थान पराजित भएसँगै सन्दिप आवद्ध टिम दिल्ली क्यापिटल्स अकं तालिकामा नेट रनरेटका आधारमा पहिलो स्थानमा पुगको छ । अकं तालिकामा शिर्ष ४ मा रहेका सबै टिमको ४ अकं रहेको छ ।