हामी सबैकाे संसारन्यूज

काठमाडाैं – जलस्रोत तथा सिंचाई विभाग ललितपुरका सि.डि.ई. सुरेश कुमार शर्मा विरुद्ध ३ करोड ६ लाख ५४ हजार ९ सय ३२ रुपैयाँ बराबरको गैरकानूनी सम्पत्ति आर्जन गरेको आरोप पत्र दायर भएको छ ।

अख्तियार दुरुपयोग अनुसन्धान आयोगले एक विज्ञप्ति जारी गर्दै ईन्जिनियर शर्माले जागिरको अवधिमा खरिद गरेको चल अचल सम्पत्ति, विद्यमान सम्पत्ति र खर्च लगानीहरुको स्रोत नखुलेको आम्दानीको अनुपातमा नखुलेको जनाएको छ ।

आयोगले ईन्जिनियर शर्माको अवैध देखिन आएको सम्पत्ति र श्रीमती बबिता फुयाल शर्माको नाममा रहेका सम्पत्ति तथा खर्च एवं लगानीको बिगो र सोबाट बढेबढाएको सम्पत्ति साविक भ्रष्टाचार निवारण ऐन, २०१७ को दफा (६ग), दफा २९ को उपदफा (१) र प्रचलित भ्रष्टाचार निवारण ऐन, २०५९ को दफा ४७ तथा अख्तियार दुरुपयोग अनुसन्धान आयोग ऐन, २०४८ को दफा २९ख। बमोजिम जफत गर्ने प्रयोजनार्थ मात्र श्रीमती बबिता फुयाल शर्मालाई प्रतिवादी कायम गरी सम्पत्तिहरु जफत गरिपाउन समेतको मागदाबी लिई आज विशेष अदालत काठमाडौंमा आरोप(पत्र दायर गरिएको जनाएको छ ।