हामी सबैकाे संसारन्यूज

काठमाडौं । सत्तारुढ नेपाल कम्युनिष्ट पार्टी (नेकपा)को युवा संगठन राष्ट्रिय युवा संघ, नेपालले जिल्ला र विभागहरुको नेतृत्वहरुबारे टुंगो लगाएको छ । युवा संघको असोज १४ र १५ मा बसेको बैठकले नेतृत्वबारे टुंगो लगाएको हो ।

बैठकले यसअघि भएका संगठनात्मक तथा कार्यक्रमिक निर्णयहरु पनि अनुमोदन गरेको छ । संगठनको केन्द्रिय कमिटीमा पर्वतबाट लोकराज आचार्य र ओखलढुंगाबाट सन्तोष मगरलाई पनि मनोनित गरेको छ ।

बैठकले विभिन्न कारणले रिक्त रहेको जाजरकोट, मुस्ताङ र पाँचथर जिल्ला संयोजकहरुको पनि टुंगो लगाएको छ ।

साथै संगठनको लेखा र निर्वाचन आयोगमा साविक युवा संघले जिम्मेवारी लिने र अनुशासन र गैरभौगोलिक प्रदेशमा साविक वाइसिएलले नेतृत्व लिने निर्णय गरेको छ ।

बैठकले सबै जिल्ला कमिटी र मातहतका कमिटीहरुको एकता आगामी कात्तिक महिनाभित्र र केन्द्रित तहका एकता असोज महिनाभित्र सम्पन्न गर्ने निर्णय गरेको छ ।

यस्तो छ परिपत्र