हामी सबैकाे संसारन्यूज

१९ असोज, चितवन । कृषि तथा वन विज्ञान विश्वविद्यालयमा नयाँ उपकुलपतिको आगमनसँग विश्वविद्यालयमा केहि सुधारको संकेत देखिएको छ । लामो समयसम्म बन्द हडतालका कारण अस्तव्यस्त भएको विश्वविद्यालयमा गत वर्ष कार्तिकबाट रोकिएका परिक्षाफल प्रकाशित भएका छन् भने अन्य शैक्षिक तथा प्रशासनिक गतिविधि सुचारु भएका छन् ।

नेपाल सरकारबाट नियुक्ति पाइ कृषि तथा वन विज्ञान विश्वविद्यालयको उपकुलपति भएका प्रा. डा. पुण्यप्रसाद रेग्मीको शुक्रवार पदभार ग्रहण कार्यक्रमसँगै लामो समय ठप्प रहेको विश्वविद्यालयका सम्पूर्ण गतिविधि सुचारु भएको छ ।

शुक्रवार औपचारिक कार्यक्रममा विश्वविद्यालयका सबै प्राध्यापक, कर्मचारी तथा उपस्थित विद्यार्थीहरुले निकै ठूलो चुनौतिको जिम्मेवारी लिएर रामपुरमा आएकोमा प्रा. डा. रेग्मीलाइ बधाइ तथा स्वागत गरेका थिए । कार्यक्रममा धन्यवाद मन्तव्य दिँदै उपकुलपति रेग्मीले ‘सातवटै प्रदेश मध्ये सबैभन्दा कमजोर प्रदेशलाई पहिलो बनाउने उद्देश्यका साथ काम गर्दै गर्दाको अनुभव लिएर कृषि तथा वन विज्ञान विश्वविद्यालयको जिम्मेवारीमा आएको” बताए ।

उपकुलपति रेग्मी विश्वभरका कृषि तथा वन सम्बन्धित विश्वविद्यालयहरुको तुलनामा यसको स्थितिमा व्यापक सुधारको खाँचो रहेको छ, प्राध्यापक, कर्मचारी र विद्यार्थी सबै मिलेर मात्र त्यो सम्भव भएकाले हाल बन्द रहेको विश्वविद्यालयलाई सुचारु गर्न आन्दोलतरत कर्मचारीहरुसँग विशेष जोड दिए । विश्वविद्यालय जस्तो क्षेत्र बन्द हुनु भनेको विश्वभर राम्रो सन्देश जाँदैन, त्यसलाइ सुचारु गरौं । त्यस पश्चात सम्पूर्णलाई अवसर नै अवसर हुने उनको भनाइ रहेको छ । प्रा. डा. रेग्मी यसअघि कर्णाली प्रदेशको योजना आयोगको उपाध्यक्ष रहेका थिए ।

आइतवार देखि विश्वविद्यालय पूर्णरुपमा सुचारु भएसँगै उपकुलपति प्रा. डा. पुण्यप्रसाद रेग्मीले मातहतका डिन, आंगिक कलेजका प्रिन्सिपल, प्रशासनका कर्मचारी सबैसँग भेटघाट पनि तिव्र गरेका छन् । प्राध्यापक र कर्मचारीका सबै समस्या डिन र आंगिक कलेजका प्राचार्य कै तहबाट हल हुनुपर्ने हुँदा इमान्दारीपूर्वक लाग्न उनले विशेष निर्देशन दिएका छन् । विश्वविद्यालयको उपकुलपति र केन्द्रिय कार्यालयले नीतिगत समस्या देखिएमा मात्र हस्तक्षेप गर्ने हुँदा त्यस बाहेकका सम्पूर्ण गतिविधि मातहतका कार्यलयले समाधान गर्नुपर्ने उनले बताए ।

कृषि तथा वन विज्ञान विश्वविद्यालय स्थापना भएसँगै निकै शान्त रुपमा चलिरहेको थियो । तर केही शक्तिको इशारामा एक्कासी नीजि सम्बन्धनको प्रकृया सुरु भयो । विद्यार्थीहरु तरंगीत भए र बन्द हड्तालले चरम स्वरुप लिएको हो । सम्बन्धनको मुद्धा अदालतमा पुगेसँग दुइवर्ष देखिन् त्यसकारण विश्वविद्यालय अवरुद्ध नभए पनि त्यसपश्चात विभिन्न कारणले विभिन्न कारणले विश्वविद्यालय, संकाय र आंगिक कलेजहरु बन्द भइरहेका देखिन्छन् । नवनियुक्त उपकुलपतिको स्वागतको क्रममा आफ्नो कार्यानुभव सुनाउँदै निवर्तमान कायममुकायम उपकुलपति प्रा. डा. शारदा थपलियाले १३ महिनाको कार्याकालमा २ महिना त पूर्णरुपमा केन्द्रिय कार्यालय बन्द भएकाले काम गर्न नपाएको अनुभव सार्वजनिक रुपमा स्विकारेका थिए । उनले कार्यकाल हस्तान्तरण गर्दैगर्दा पनि विश्वविद्यालय पूर्णरुपमा ठप्प रहेको र उपकुलपति रेग्मीलाई स्वागत गर्न मात्र हल र उपकुलपतिको कार्यकक्ष आन्दोलनकारीले खोलेका थिए ।