Sansar News
२१ असोज, काठमाडौ । कलाकार अभिनेता प्रदिप खड्का र अभिनेत्री कृष्टिना गुरुङ प्रभु बैंकको ब्रान्ड एम्बास्डरमा चयन भएका छन् ।
बैंकका प्रमुख कार्यकारी अधिकृत अशोक शेरचनले बबरमहलस्थित बैंकको प्रधान कार्यलयमा आयोजित एक कार्यक्रममा कलाकारद्धय खडका र गुरुङलाई बैंकको ब्रान्ड एम्बास्डरमा नियुक्ति गर्ने सम्बन्धी एक सम्झौतापत्रमा हस्ताक्षर गरेका हुन् । उक्त हस्ताक्षर कार्यक्रममा कलाकारद्धय खड्का र गुरुङ अभिनित प्रभु बैंकको विज्ञापन सार्वजनिक गरीएको थियो ।
नेपाली सिनेमा क्षेत्रका ख्याति प्राप्त कलाकारद्धय खडका र गुरुङ प्रभु बैंकको ब्रान्ड एम्बास्डर नियुक्त भएपछि सर्वसाधरणमा प्रभु बैंकप्रतिको विश्वसनियता वृद्धि हुने बैंकले विश्वास लिएको छ ।
वि.सं.२०७७ असोज २१ बुधवार १३:११ मा प्रकाशित
