हामी सबैकाे संसारन्यूज

काठमाडौं – हिमालयन ह्वाइट हाउस ईन्टरनेशनल कलेज र नेपाल चाटर्ड एकाउन्टेन्ट सँँघ विच संस्थागत पारस्पारीकता सम्बन्धि समझदारी गरिएको छ ।
असोज २१ गते बुधवार गरिएको सो समझदारी अनुसार यि दुई सँस्थाहरुले सामाजिक सँजाल र वेभसाइटमा एक अर्काको स्थान लिने र दिने गर्नेछन, साथै लोगो समेत राख्नेछन ।

सो समझदारी अनुुसार ह्वाईट हाउस कलेजले संघका सदस्यहरुको ५ लाख लाग्ने एमविए कोर्षका लागि २५ प्रतिशत छुट दिनेछ । यसैगरि ईमविए अध्ययनका लागि ४ लाख लाग्ने शुल्कमा ३० प्रतिशत छुट दिएर २ लाख ८० हजारमा पढाउने कुरा समझदारीमा उल्लेख गरिएको छ ।

सो संघका सदस्यको आश्रित परिवारलाई पनि छुट दिएर अध्ययन गराउने विषयमा दुई सँस्थाविच समझदारी भएको छ । जसमा संघका आश्रित परिवारले विविएमा ४० प्रतिशत, विएचएममा २५ प्रतिशत, विई सिभिलमा २५ प्रतिशत र विटेकमा ३० प्रतिशत सम्म छुट लिएर हिमालयन ह्वाइट हाउस ईन्टरनेशनल कलेजमा अध्ययन गर्न पाउनेछन । तर यो छुटका लागि भने कोटाहरु निर्धारण गरिएको छ ।

शुरुमा दुई वर्षका लागि गरिएको सो समझदारीमा संघको तर्फवाट अध्यक्ष आनन्दराज शर्मा वाग्ले र कलेजको तर्फवाट म्यानेजिङ डाइरेक्टर शिव प्रसाद शर्मा पौडेलले हस्ताक्षर गरेका छन् । समझदारी पत्रमा साक्षिको रुपमा संघको तर्फबाट निवर्तमान अध्यक्ष हरि कुमार सिलवाल र कलेजको तर्फवाट एकेडेमिक डाइरेक्टर तोयानारायण पौडेलले हस्ताक्षर गरेका छन् ।

कोभिड १९ को महामारी सँगै शिक्षा क्षेत्रमा बढेको अन्यौलता र महंगीको अवस्थामा संघ र कलेज विचमा भएको उल्लेखित समझदारीबाट दुवै पक्षले आपसी हित प्राप्त गर्ने अपेक्षा गरिएको छ ।