Sansar News
२५ असोज, काठमाडौं । नेपालमा आज कोरोना संक्रमणबाट २२ जनाको मृत्यु भएको छ । यो संख्या दैनिक मृत्यु हुनेको संख्यामा अहिलेसम्मकै बढी हो ।
स्वास्थ्य तथा जनसंख्या मन्त्रालयका अनुसार आज ११ जिल्लाका २२ जनाको मृत्यु भएको छ । जसमा ५ जना महिला र १७ जना पुरुष रहेका छन् ।
मन्त्रालयका अनुसार पछिल्लो २४ घण्टामा मृत्यु हुने १७ पुरुषमा सुनसरीका ६५ वर्षीय, सर्लाहीका ३८ वर्षीय, काठमाडौंका ६०, ७०,७५ र ८३ वर्षीय, ललितपुरका ४९ वर्षीय, भक्तपुरका ४४ र ५७ वर्षीय, नुवाकोटका ७७ वर्षीय, चितवनका उमेर नखुलेका १ र ४७ र ९८ वर्षीय ३ पुरुष, सिन्धुपाल्चोकका ६३ वर्षीय, रुपन्देहीका ६०, ६१, र ८४ वर्षीय पुरुष रहेका छन् ।
त्यसैगरी सुनसरीकी ६२ वर्षीया, धनकुटाकी ६१ वर्षीया, काठमाडौंकी ६६ वर्षीया, चितवनकी ७५ वर्षीया र मकवानपुरकी ८५ वर्षीया गरी ५ महिलाको पनि कोरोना संक्रमणबाट मृत्यु भएको मन्त्रालयले जनाएको छ ।
आज थपिएका २२ जनासँगै नेपालमा कोरोना संक्रमणबाट ज्यान गुमाउनेको संख्या ६३६ पुगेको छ । मन्त्रालयका अनुसार कूल संक्रमित मध्ये मृत्यु हुनेको यो संख्या ०.५९ प्रतिशत हो ।
कोरोना संक्रमणबाट नेपालमा आज १४ जनाको मृत्यु, मृतकको संख्या ६१४ पुग्यो
वि.सं.२०७७ असोज २५ आइतवार १७:०० मा प्रकाशित
