Sansar News
२४ असोज, काठमाडौं । नेपालमा आज पनि कोरोना संक्रमणबाट १४ जनाको मृत्यु भएको छ ।
स्वास्थ्य तथा जनसंख्या मन्त्रालयका अनुसार आज १० जिल्लाका १४ जनाको मृत्यु भएको छ । जसमा १२ पुरुष र २ महिला रहेका छन् ।
मन्त्रालयका अनुसार आज मृत्यु भएका १२ पुरुषमा सुनसरीका ४५ वर्षीय, मोरङका २० र ७२ वर्षीय, सर्लाहीका ७१ वर्षीय, काठमाडौंका ४८ र ९० वर्षीय, ललितपुरका ४३, र ४९ वर्षीय, भक्तपुरका ६८ वर्षीय, मकवानपुरका ७७ वर्षीय, नवलपरासीपूर्वका ३६ वर्षीय र रुपन्देहीमा ५७ वर्षीय रहेका छन् ।
त्यसैगरी काठमाडौंकी ६८ वर्षीया र धादिङकी ३१ वर्षीया गरी २ महिलाको पनि कोरोना संक्रमणबाट मृत्यु भएको हो । आज थपिएका १४ जनासँगै नेपालमा कोरोना संक्रमणबाट ज्यान गुमाउनेको संख्या ६१४ पुगेको छ ।
आज १० जना थपिएसँगै नेपालमा कोरोना संक्रमणबाट मृत्यु हुनेको संख्या ६०० पुग्यो
वि.सं.२०७७ असोज २४ शनिवार १७:०४ मा प्रकाशित
