Sansar News
२३ असोज, काठमाडौं । नेपालमा आज पनि कोरोना संक्रमणबाट १० जनाको मृत्यु भएको छ । आज थपिएका १० जनासँगै नेपालमा कोरोना संक्रमणबाट मृत्यु हुनेको संख्या ६०० पुगेको छ ।
स्वास्थ्य तथा जनसंख्या मन्त्रालयका अनुसार आज ५ जिल्लाका १० जनाको मृत्यु भएको छ । जसमा १ महिला र ९ पुरुष रहेका छन् ।
मन्त्रालयका अनुसार आज झापाका २९ र ५२ वर्षीय २ पुरुष, सुनसरीका ४६, ५२ र ६८ वर्षीय गरी तीन पुरुष, काठमाडौंका ७१ वर्षीय, ललितपुरका ८४ वर्षीय तथा रुपन्देहीका ४७ र ८४ वर्षीय गरी ९ पुरुषको कोरोना संक्रमणबाट मृत्यु भएको हो ।
त्यसैगरी काठमाडौंकी ८७ वर्षीया १ महिलाको पनि कोरोना सं क्रमणबाट मृत्यु भएको हो ।
आज थपिएका १० जनासँगै नेपालमा कोरोना संक्रमणबाट ज्यान गुमाउनेको संख्या ६०० पुगेको छ । कूल संक्रमित मध्ये मृत्यु हुनेको यो संख्या ०.६० प्रतिशत हो ।
कोरोना संक्रमणबाट आज १२ जनाको मृत्यु, मृतकको संख्या ५९० पुग्यो
वि.सं.२०७७ असोज २३ शुक्रवार १७:१९ मा प्रकाशित
