Sansar News
२८ असोज, काठमाडौं । नेपालमा आज २१७४ जना कोरोना संक्रमणबाट मुक्त भएका छन् ।
स्वास्थ्य तथा जनसंख्या मन्त्रालयले दिएको जानकारी अनुसार पछिल्लो २४ घण्टामा देशका विभिन्न आइसोलेशन सेन्टर र होम आइसोलेसनमा रहेकाहरु मध्ये २१७४ जना संक्रमणबाट मुक्त भएर डिस्चार्ज भएका हुन् । आज निको भएका २१७४ जनासँगै नेपालमा कोरोना संक्रमणबाट मुक्त हुनेको संख्या ८० हजार ९५४ पुगेको छ ।
कुल संक्रमित मध्ये निको हुनेको यो संख्या ६८.६ प्रतिशत रहेको मन्त्रालयले जनाएको छ ।
हालसम्म कुन प्रदेशमा कति निको भए त ?
प्रदेश १ मा ६९९२, प्रदेश २ मा १५,१३३, बागमती प्रदेशमा ३२,१२७, गण्डकी प्रदेशमा ४३८० लुम्बिनी प्रदेशमा ११,१०६, कर्णाली प्रदेशमा ३,५३६ र सुदूरपश्चिम प्रदेशमा ७६८० जना गरी हालसम्म जम्मा ८० हजार ९५४ जना निको भएका हुन् ।
आज १५०३ जना कोरोना संक्रमणबाट मुक्त भएसँगै निको हुनेको संख्या ७८,७८० पुग्यो
वि.सं.२०७७ असोज २८ बुधवार १६:४४ मा प्रकाशित
