Sansar News
२७ असोज, काठमाडौं । नेपालमा आज १५०३ जना कोरोना संक्रमणबाट मुक्त भएका छन् ।
स्वास्थ्य तथा जनसंख्या मन्त्रालयले दिएको जानकारी अनुसार पछिल्लो २४ घण्टामा देशका विभिन्न आइसोलेशन सेन्टर र होम आइसोलेसनमा रहेकाहरु मध्ये १५०३ जना संक्रमणबाट मुक्त भएर डिस्चार्ज भएका हुन् । आज निको भएका १५०३ जनासँगै नेपालमा कोरोना संक्रमणबाट मुक्त हुनेको संख्या ७८ हजार ७८० पुगेको छ ।
हालसम्म कुन प्रदेशमा कति निको भए त ?
प्रदेश १ मा ६८३४, प्रदेश २ मा १५,१११, बागमती प्रदेशमा ३०,४२९, गण्डकी प्रदेशमा ४,२९०, लुम्बिनी प्रदेशमा १०,९७९ कर्णाली प्रदेशमा ३,४९८ र सुदूरपश्चिम प्रदेशमा ७,६३९ जना गरी हालसम्म जम्मा ७८ हजार ७८० जना निको भएका हुन् ।
मन्त्रालयका अनुसार कूल संक्रमित मध्ये निको हुनेको यो संख्या ६८.३ प्रतिशत रहेको छ ।
आज १४७३ जनाले कोरोना जितेर घर फर्किए, निको हुनेको संख्या ७७ हजार नाघ्यो
वि.सं.२०७७ असोज २७ मंगलवार १६:४० मा प्रकाशित
