हामी सबैकाे संसारन्यूज

२९ असोज, काठमाडौं । नेपाल राष्ट्र बैंकले यो पटकको वडा दशैंमा नयाँ नोट नसाटिने सूचना जारी गरेको छ ।

बैंकले विश्वव्यापी कोरोना महामारीको संक्रमण नेपालमा पनि तिब्र रुपमा बढ्दै गएको र त्यसको रोकथाम र नियन्त्रणका लागि सरकारले तोकेको स्वास्थ्यसम्बन्धी मापदण्डहरुमा बैंकहरुमा भिडभाड हुन नदिने भन्ने विषय समेत उल्लेख रहेकोले यसपटक नयाँ नोट नसाटिने जनाएको हो ।

‘हाल यस बैंक र अन्य बैंक तथा वित्तिय संस्थाका कर्मचारीहरुमा समेत संक्रमण निकै फैसलिइसकेको र नगद सटहीका क्रममा हुने भिडभाडबाट संक्रमण फैलन सक्ने सम्भावना उच्च भएको परिप्रेक्षयमा आम नेपाली नागरिकको स्वास्थ्य संवेदनशीलतालाई ध्यानमा राख्दै यस बैंकका कुनैपनि कार्यालयहरुबाट यस वर्षको वडादशैंको प्रयोजनका लागि नयाँ नोट सटही सुविधा प्रदान नगरिने भएको छ ।’ बैंकद्धारा जारी सूचनामा भनिएको छ ।