Sansar News
२९ असोज, काठमाडौं। सिटिजन्स बैंक इन्टरनेशनल लिमिटेडले अब बैंकमा नगई ग्राहकलाई मोबाइल बैंकिङको पिन रिसेट गर्ने सुविधाको सुरुवात गरेको छ।
मोबाइल बैंकिङको पिन नम्बर बिर्सेमा अब ग्राहकले बैंकको शाखामा गएर निवेदन दिनु पर्दैन। अहिलेको कठिन परिस्थितिलाई मध्यनजर गरी बैंकले आफ्ना ग्राहकहरुलाई सहज रूपमा आधारभूत बैंकिङ सेवा प्रदान गर्दैं र डिजिटल माध्यमबाट कारोबार गर्न सहयोग पुर्यायाउने लक्ष्यका साथ यो सेवाको सुरुवात गरेको विज्ञप्तिमा जनाएको छ।
कोरोना को डर अझै पनि कायम रहेको अवस्थालाई लक्षित गर्दै ग्राहकलाई सकेसम्म बैंकमा नआइ नै कारोबारका सुविधा प्राप्त गर्न सहज होस् भनी शुल्क मिनाहाको पनि निर्णय गरेको छ।
बचत खाता भएका ग्राहकको मोबाइल बैकिङ, इन्टरनेट बैकिङ र कार्ड लगायतका विद्युतीय भुक्तानीका माध्यमहरुमा पहिलो वर्षको शुल्क छुट दिने निर्णय गरेको हो।
वि.सं.२०७७ असोज २९ बिहीवार ११:२७ मा प्रकाशित
