Sansar News
३० असोज, काठमाडौं । कोरोना संक्रमणबाट नेपालमा आज ३५२२ जना निको भएर घर फर्किएका छन् ।
स्वास्थ्य तथा जनसंख्या मन्त्रालयले दिएको जानकारी अनुसार पछिल्लो २४ घण्टामा देशका विभिन्न आइसोलेशन सेन्टर र होम आइसोलेसनमा रहेकाहरु मध्ये ३,५२२ जना संक्रमणबाट मुक्त भएर डिस्चार्ज भएका हुन् ।
आज निको भएका ३५२२ जनासँगै नेपालमा कोरोना संक्रमणबाट मुक्त हुनेको संख्या ८८ हजार ४० पुगेको छ ।
हालसम्म कुन प्रदेशमा कति निको भए त ?
प्रदेश १ मा ७६२७, प्रदेश २ मा १५,४०१, बागमती प्रदेशमा २७,२१३, गण्डकी प्रदेशमा ४५७१, लुम्बिनी प्रदेशमा ११,५७५, कर्णाली प्रदेशमा ३७६६ र सुदूरपश्चिम प्रदेशमा ७,८८७ जना गरी हालसम्म जम्मा ८८ हजार ४० जना निको भएका हुन् ।
बढ्दैछ कोरोना संक्रमणबाट निको हुनेको संख्या,आज एकैदिन ३५६४ जना निको भए
वि.सं.२०७७ असोज ३० शुक्रवार १७:०२ मा प्रकाशित
