हामी सबैकाे संसारन्यूज

३ कात्तिक, काठमाडौं । नेपाल कम्युनिष्ट पार्टी (नेकपा) का सांसदहरुले दशैं भत्ता स्वरुप आएको रकम फिर्ता गर्ने निर्णय गरेका छन् ।

नेकपाका नेता तथा सांसद देवेन्द्र पौडेलका अनुसार पार्टीको निर्णय अनुसार दसैं भत्ताको उक्त रकम पार्टीको निर्णय अनुसार कोरोना संक्रमण रोकथाम, नियन्त्रण तथा उपचार कोषमा जम्मा गरिनेछ ।

केही सांसदहरुले यअसघि नै उक्त रकम विभिन्न सामाजिक काममा खर्चने बोलिसकेको भएपनि अर्को महिनाको तलब कोरोना कोषमा जम्मा गरिने बताइएको छ । साथै मन्त्रिहरुको भत्ता पनि फिर्ता गरिने बताइएको छ ।

कोरोना महामारीका बेला जनतालाई उपचार खर्च आफै व्यहोर्न भनेर आफूहरुले दशैं भत्ता लिन तयार भएको भन्दै जनमानसमा व्यापक आलोचना भएपछि नेकपाका सांसदले उक्त रकम कोरोना कोषमा जम्मा गर्ने निर्णय गरेका हुन् ।
नेकपाका प्रतिनिधिसभामा १७४ र राष्ट्रियसभामा ४६ जना सांसद रहेका छन् ।

त्यस्तै प्रमुख प्रतिपक्षी दल नेपाली कांग्रेसले पनि यसअघि नै आफ्ना सांसदहरुको दशै भत्ता स्वरुप आउने रकम कोरोना रोकथाम कोषमा जम्मा गर्ने निर्णय गरिसकेको छ । file photo