हामी सबैकाे संसारन्यूज

५ कार्तिक, काठमाडौं । सोमबार बेलुका अपहरणमा परेकी ८ वर्षीया बालिकाको करिब ३ घाण्टापछि प्रहरीले सकुशल उद्दार गरेको छ । ललितपुरबाट बाट बालिका अपहरणमा संलग्न रहेको ३ जनालाई प्रहरीले पक्राउ गरेको छ ।

पक्राउ पर्नेहरुमा ललितपुर हरिसिद्दी बस्ने सर्लाही हरिवन नगरपालिका-८ बासटोलका राजु कार्की, काभ्रे नमोबुद्धकी सिता परियार र धनुषा धारापानी गाउँपालिका-२ का ४० वर्षीय कृष्ण तोलामी रहेका छन् ।

ललितपुर महालक्ष्मी नगरपालिका-४ मनकामना चोकमा खेलिरहेको समयमा साईकल चढी आएका उनिहरुले बालिकालाई साईकलमा राखी लगेका थिए । घटनाको केहि समयमानै महानगरीय प्रहरी वृत्त सातदोबाटोबाट अपहरण कारिको खोजीमा रहेको प्रहरीले ललितपुर महानगरपालिका-२९ हरिसिद्दीस्थित सिता परियारको कोठामा बालिकालाई बन्धक बनाई राखेको अवस्था बाट बालिकाको उद्वार गरेको थियो ।
साथै उक्त अपहरणमा संलग्न उनीहरुलाई पनि प्रहरी पक्राउ गरेको थियो ।