Sansar News
काठमाडौं । कोरोना भाइरस (कोभिड–१९)को उपचार निःशुल्क नगर्ने सरकारको निर्णयविरुद्व नेत्रविक्रम चन्द ‘विप्लव’ नेतृत्वको नेकपाले आन्दोलन गर्ने भएको छ । बुधबार एक प्रेस विज्ञप्ती सार्वजनिक गर्दै नेकपाका महासचिव विप्लवले चरणबद्ध आन्दोलनको घोषणा गरेका हुन् ।
विप्लवको आन्दोलनका कार्यक्रमअन्तर्गत आगामी कात्तिक १५ मा कोणसभागर्ने, कात्तिक १७ मा पर्चा वितरण गर्ने र कात्तिक २० मा विरोध जुलुस निकाल्ने भन्ने छ ।
सरकार राष्ट्र र जनताप्रति उत्तरदायित्व बिहीन बन्दै गएको र हदैसम्म जिम्मेवार बनेको विप्लवको ठहर छ । राष्ट्रियता, जनतन्त्र र जनजीविकाका मुद्दाहरु जटिल बन्दै गईरहेको विप्लवले बताएका छ ।
विप्लवले विज्ञप्तीमार्फत कोरोनाको निःशुल्क जाँच तथा उपचार गर्न र भ्रष्टाचारीलाई कारबाही गर्न माग गरेका छन् ।
यस्तो छ विप्लवले सार्वजनिक गरेको विज्ञप्ती
वि.सं.२०७७ कात्तिक ५ बुधवार १२:१३ मा प्रकाशित
