Sansar News
काठमाडौं । भारतीय अभिनेत्री कंगना रनौटलाई सामाजिक सञ्जालमार्फत बलात्कार गर्ने धम्की आएको छ । ३३ वर्षीया रनौटलाई धम्की उडीसाका एक वकीलले दिएका हुन् ।
ति वकीलले कंगनालाई शहरको बीचमा बलात्कार गर्नुपर्ने बताएका छन् । मेहेन्दी रेजा नामका ती वकिलले लेखेका छन्, ‘तिमीलाई शहरको बीचमा बलात्कार गर्नुपर्छ ।’
जुन घटना चर्चामा आएसँगै वकिलले भने आफ्नो बचाउ गर्दै फेसबुक ह्याक भएको बाहाना गरेका छन् । अहिले घटना चर्किदैं गएसँगै वकिलले आफ्नो फेसबुक एकाउण्ट नै डिलेट गरेका छन् ।
जुन घटनाबारे अभिनेत्री रनौटले उडिशाका मुख्यमन्त्री नविन पटनायकसँग नै छानविनको माग गरेकी छिन् । खुल्ला बलात्कारको धम्कीको घटनाबारे अहिले प्रहरीले अनुसन्धान सुरु गरेको भारतीय सञ्चार माध्यमले उल्लेख गरेका छन् ।
वि.सं.२०७७ कात्तिक ५ बुधवार १३:३८ मा प्रकाशित
