Sansar News
१३ कात्तिक, पर्वत । गण्डकी प्रदेशको पैयूँ गाउँपालिकामा कोरोना अस्पताल संचालन हुने भएको छ ।
पैयुका मीन प्रसाद न्यौपानेले जनाएअनुसार कोरोना विशेष अस्पताल स्थापनाको तयारी अन्तिम चरणमा पुगेको हो ।
न्यौपानेका अनुसार आइसोलेसन वार्डका आधारभुत संरचनाहरु तयार गरिएको छ । कोरोना विशेष ५ शैथ्याको अस्पताल सामुदायिक सेवा समाजको भवनमा निर्माण गरिएको छ ।
गाउँपालिका अध्यक्ष खगेन्द्र प्रसाद तिवारीले सो अस्पतालको अवलोकन गरेका थिए ।
वडा नं ४ का अध्यक्ष महेन्द्र श्रेष्ठका अनुसार पैयु क्षेत्रका प्रभावितहरु सदरमुकाम कुश्मासम्म धाउनुपर्ने बाध्यतालाइ अन्त्य गर्न सो प्रयास गरीएको थियो । पैयुलाइ सबै हिसावले अर्घेल्याइ गरिदैँ आएको र पैयुँका नागरिकले दःुख पाएको आवाज समेत उठेपछि पालिकाले अस्पताल स्थापना गरेको हो ।
वि.सं.२०७७ कात्तिक १३ बिहीवार ०७:४३ मा प्रकाशित
