हामी सबैकाे संसारन्यूज

काठमाडौं । नबिल बैंक लिमिटेडलाई २०२० का लागि एसियाली विकास बैंक(एडिबी)को ट्रेड एन्ड सप्लाई चेन फाइनान्स प्रोग्राम (टिएससिएफपि) ले नेपालको अग्रणी पार्टनर बैंकको रूपमा मान्यता दिइएको छ ।

एडिबीको (टिएससिएफपि)द्वारा व्यापार बित्तको बजारलाई उत्थान गर्दै व्यापार बढावा दिने उद्देश्यका साथ बैंकहरुलाई ग्यारेन्टी र ऋण प्रदान गर्ने गर्दछ । ट्रेड फाइनान्स प्रोग्रामले ग्यारेन्टी र ऋण मार्फत बजारमा रहेका कठिनाईहरु अन्त्य गरेर दिगो विकासका लक्ष्यहरू हासिल गर्न देशहरूलाई सशक्त गर्ने गर्दछ ।

एडीबी व्यापार वित्तकार्यक्रमकाे घोषणा अनुसार नबिल बैंकले १ जुलाई २०१९ देखि ३० जून २०२० सम्म नेपालमा टिएससिएफपि संग सबैभन्दा बढी कारोबार रेकर्ड गरेको थियो ।

नेपालके पहिलाे निजी क्षेत्रकाे बैंककाे रूपमा स्थापित भएकाे यस बैंकले सन् १९८४ देखि आफ्ना ग्राहकहरुलाई समायनुकुल सेवा प्रदान गर्दै आएको यसका ११९ शाखा, १८५ एटिएम र १५०० भन्दा बढि नबिल रेमिट एजेन्टहरु रहेको तथा बैंकले नेपाली बैंकिङ्ग क्षेत्रमा नविनतम् सेवाको शुरुवात गर्न अग्रणी भूमिका खेल्नुका साथै नेपालको बैंकिङ विकासको ईतिहासमा कोसेढुङ्गाको रुपमा कामगर्दै आएको बैंकद्वारा जारि गरिएको बिज्ञप्तिमा जनाईएको छ ।