Sansar News
१४ कात्तिक, पर्वत । कोरोना संक्रमण बढ्दै गएपछि पर्वतको कुश्मा नगरपालिकामा अत्यावश्यक बाहेक अन्य सेवा एक साताका लागि बन्द गरिने भएको छ ।
नगरपालिकामा कोरोना संक्रमण बढ्दै गएपछि अत्यावश्यक बाहेकका सेवाहरु बन्द गरिने भएको प्रमुख जिल्ला अधिकारी शम्भु प्रसाद रेग्मीले संसारन्युजलाई जानकारी दिएका छन् ।
रेग्मीका अनुसार कुश्मा बजारमा कोरोना संक्रमितको संख्या बढ्दै गएको अवस्थामा नगरका ४, ५, ६ र ७ नं वडा कार्यालयहरुबाट दिइने सेवाहरु एकसाताका लागि बन्द गरिने भएको हो । साथै बजारका अत्यावस्यक बाहेक अन्य पसलहरु पनि बन्द रहने रेग्मीले बताए ।
‘यहाँका प्राय बैंकका १-२ जना कर्मचारीहरु तथा अन्यमा पनि संक्रमण देखिएपछि मास मुभमेन्ट कम गर्नका लागि एकसाताका लागि अत्यावस्यक बाहेकका सेवा बन्द गर्न लागिएको हो । वडा कार्यालयहरु खुलेपनि सेवा प्रवाह हुने छैन ।’ प्रमुख जिल्ला अधिकारी रेग्मीले संसारन्युजसँग भने ।
तस्बिरः नविन प्रसाई
वि.सं.२०७७ कात्तिक १४ शुक्रवार ०९:४७ मा प्रकाशित
