Sansar News
काठमाडौं । नेत्रविक्रम चन्द (विप्लव) नेतृत्वको नेपाल कम्युनिष्ट पार्टी (नेकपा)की ललितपुर सेक्रेटरी सावित्रा अधिकारी (विदुषी) पक्राउ परेकी छिन् । महानगरीय प्रहरी परिसर ललितपुरको टोलीले विदुषीलाई ललितपुरको मंगलबारबाट पक्राउ गरेको हो ।
नेतृ विदुषीले महानगरीय प्रहरी परिसर, ललितपुरका प्रमुख तथा प्रहरी वरिष्ठ उपरीक्षक (एसएसपी) टेकप्रसाद राईलाई यसअघी धम्की दिएकी थिइन् । उनले नेकपाका कार्यकर्ता श्याम बज्राचार्य पक्राउ परेपछि गत असोज ३१ मा प्रहरीविरुद्व विज्ञप्ती नै निकालेर धम्की दिएकी थिइन् ।
उनले सरकारको मतियार बनेर नागरिकको अधिकार हनन नगर्न चेतावनी दिएकी थिइन् ।
ललितपुर प्रहरीले बज्राचार्यलाई बिस्फोटक पदार्थसहित पक्राउ गरेको थियो ।
विदुषीका साथबाट प्रहरीले कोणसभाको ब्यानर, डायरीलगायतका सामग्री बरामद गरेको छ।
वि.सं.२०७७ कात्तिक १६ आइतवार १२:४१ मा प्रकाशित
