हामी सबैकाे संसारन्यूज

काठमाडौं । नेपालमा बीमा कम्पनीको सुरुवात वि स २००४ बाट सुरुवात भएको हो । हालको आर्थिक वर्ष २०७७/७८ सम्ममा आईपुग्दा वीमा उद्योग निकै ठुलो भईसकेको छ । हाल नेपालमा १९ वटा जीवन, २० वटा निर्जीवन र १ वटा पुनर्जीवन वीमा कम्पनी गरी कुल ४० वटा कुल बीमा कम्पनीहरु रहेका छन् । वीमा कम्पनीहरुलाई स्वामित्वाको आधारमा सरकारी, निजी, विदेशी शाखा र संयुक्त लगानी गरी चार किसिममा विभाजन गरिएको छ । यस मध्यको एक प्रभु लाईफ इन्स्योरेन्स स्थापनाको छोटो सपयमानै जीवनवीमा तर्फ  स्थापित बन्दै गईरहेको छ ।

प्रभु बैंक र साङग्रीला विकास बैंकको सहकार्य र प्रभु ग्रुप अफ कम्पनिको स्वामित्वमा रहेर वि.स २०७४ मङसिर २८ मा प्रभु लाईफ इन्स्योरेन्सको स्थापना भएको थियो । कम्पनिले स्थापनाको पहिलो बर्षमानै ४७ लाख ४६ हजार ३०३ खुद नाफा आर्जन गरेको थियो । कम्पनिले स्थापनाको चौथो त्रैमासिकमा खुद ११ करोेड २३ लाख ८३ हजार ६ सय ४२ विमा शुल्क आर्जन गरेको हो ।

बीमा शुल्क उच्च दरले वृद्धि हुदै
प्रभु लाईफ इन्स्योरेन्सले  गरेको २०६७/७७ को चौथो त्रैमासिकको वित्तिय विवरण अनुसार , कम्पनिले यो वर्ष  खुद १ अर्ब १५ करोड ९४ लाख ३५ हजार ५ सय ७५ रुपैँयाँ बीमा शुल्क आर्जन गरेको छ । गत वर्षको सोहि अवधिमा कम्पनिले ४५ करोड ३५ लाख ७८ हजार ९ सय ३४ रुपैँयाँ खुद बीमा शुल्क आर्जन गरेको थियो । गत वर्षको तुलमा यो वर्ष कम्पनिले ७० करोड ५८ लाख ५६ हजार ६ सय ४१ रुपैँयाँ बढि खुद बीमा शुल्क आर्जन गरेको हो । यो गत वर्षको तुलनामा ६१ प्रतिशतले बढि हुन आउछ ।

कति छ त प्रभु लाईफको खुद नाफा ?
कम्पनिले चालु आर्थिक वर्षको चौथो त्रैमासिकमा ४ करोड ४४ लाख ९६ हजार ४ सय ४९ खुद नाफा आर्जन गरेको छ । भने गतवर्षको सोहि अवधिमा ३ करोड ८१ लाख १४ हजार ४ सय २८ खुद नाफा आर्जन गरेका थियो । यो वर्षको खुद नाफा गत वर्षको खुद नाफाको तुलनामा १७ प्रतिशतले बढि हुन आउछ । कम्पनिले सार्वजनिक गरेको चौथो त्रैमासिकको वितिय विवरण अनुसार कम्पनीको चुक्ता पुजि १ अर्ब ४० लाख रहेको छ । जगेडा कोषमा १४ करोड ८९ लाख ४० हजार १ सय ६८ रहेको छ । जिवन बीमा कोषमा १ अर्व ०४ करोड ३६ लाख ७ सय १२ छ भने विपत्ति जगेडामा १ करोड २६ लाख १० हजार ५ सय १ रहेको छ ।

६० लाख कित्ता आईपिओ जारी गर्दै प्रभु लाईफ
प्रभु लाईफ इन्स्योरेन्सको हाल चुक्ता पुजी १ अर्व ४० करोड रहेको छ । वीमा समितिले जीवन वीमा कम्पनीहरुको चुक्ता पुजी २ अर्व वरावरको हुनुपर्ने नियम लागू गरेको छ । अब प्रभु लाईफले ६० लाख कित्ता आईपिओ जारी गरेपछि उसको चुक्ता पूजी २ अर्व पुग्ने छ । यसका लागि उसले धितोपत्र बोर्डमा गत असोज १४ गते आवेदन दिएको छ । वीमा कम्पनी समुहबाट चालु आर्थिक वर्ष २०७७ ७८ मा आईपिओ जारी गर्न पाउने पाउने यो वीमा कम्पनी चौथो हुनेछ । यस अगि रियलायन्स लाईफले ६३ लाख कित्ता आईपिओ जारी गरि सकेको छ, निर्जीवन तर्फ भने सानिमा जनरल र जनरल इन्स्योरेन्सले समान ३० लाख कित्ता आईपिओ जारी गरिसकेका छन् ।