हामी सबैकाे संसारन्यूज

२६ पुष, काठमाण्डौं । साहित्यकार गायत्री श्रेष्ठको नियात्राकृति ‘सिगलको उडान र समुन्द्रको स्पर्श’ सार्वजनिक भएको छ । सोमबार अन्तर्राष्ट्रिय नेपाली साहित्य समाज नेपाल च्याप्टरले राजधानीमा एक कार्यक्रमको आयोजना गरी उक्त कृति सार्वजनिक गरेको हो । उक्त कृतिको सार्वजनिक गर्दै कथाकार तथा कार्यक्रमका प्रमुख अतिथी कृति र कृतिकार बारे प्रकाश पार्दै नेपाली नियात्रा विधामा सो कृतिले थप योगदान पु¥याएको बताइन ।
कार्यक्रममा अनेसासका केन्द्रीय वरिष्ठ उपाध्यक्ष एवं नेपाल च्याप्टरका अध्यक्ष राधेश्याम लेकाली, समालोचक डा.लक्ष्मणप्रसाद गौतम, स्रष्टा गायत्री श्रेष्ठ, अनेसास सदस्य सिन्धु गौतमलगायतले मन्तव्य राखेका थिए ।
कार्यक्रममा अनेसास सल्लाहकार प्र.डा.खगेन्द्रप्रसाद लुईटेल, वरिष्ठ समालोचक प्रा.राजेन्द्र सुवेदी, त्रि.वि.नेपाली केन्द्रीय विभागका प्रमुख प्रा.डा.देवीप्रसाद गौतमलगायतको उपस्थिति रहेको थियो ।