हामी सबैकाे संसारन्यूज

५ मंसिर, सुर्खेत । ट्रकको ठक्करबाट सुर्खेत बोटेचौरमा एकजनाको मृत्यु भएको छ । मृत्युपछि मृतकका परिवार र आफन्तले बोटेचौर बजारमा टायर बालेर सवारी आवत जावतमा अवरुद्ध गरेका हुन् ।

ट्रक ठक्करबाट मृत्युहुनेमा गुर्भाकोट नगरपालिका– ९, का ४८ वर्षीय धनबहादुर भण्डारी रहेका छन् । उनलाई सल्लीबजारबाट मालारानी जाँदै गरेको ना ८ ख २३१४ नम्बरको ट्रकले बिहीबार साँझ ७ ठक्कर दिएको थियो । ट्रक ठक्करपछि घाइते उनको उपचारका क्रम्मा मेहेलकुना अस्पतालमा बिहीबार नै मृत्यु भएको थियो ।

भण्डारीसँगै बाटो काट्ने अन्य दुईजना बालक पनि ट्रकको ठक्करबाट घाइते भएका छन् । भण्डारीलाई ठक्कर दिने ट्रक चालक अहिलेसम्म फरार छन् । ठक्कर दिने ट्रक चालकको खोजीकार्य जारी रहेको सुर्खेत प्रहरीले जानकारी दिएको छ ।