हामी सबैकाे संसारन्यूज

१२ मङ्सिर, डोटी । जोरायल गाउँपालिकामा एकनाले भरुवा बन्दुक सहित दुईजना पक्राउ परेका छन् ।

उक्त गाउँपालिकाको जारिमघाट बस्ने २५ वर्षीय प्रदिप थापा मगर र सोही गाउँपालिका सिमले बस्ने २७ वर्षीय महेश थापा मगरलाई एकनाले भरुवा बन्दुक १ थान सहित बिहीबार प्रहरीले पक्राउ गरेको छ ।

बडिकेदार गाउँपालिका–१ अलाडीस्थित मेला हेर्न गएको अवस्थामा १५ वर्षीया किशोरीलाई बुधबार राति प्रदिपले एकान्तमा लगेर जबरजस्ती करणी प्रयास गरेको भन्ने खबर प्राप्त हुनासाथ ईलाका प्रहरी कार्यालय बिपिननगरबाट खटिएको प्रहरीले खोजी गर्ने क्रममा उनीहरुलाई उक्त बन्दुक सहित फेला पारी पक्राउ गरेको हो ।

यस सम्बन्धमा थप अनुसन्धान भइरहेको प्रहरीले जानकारी दिएको छ ।