हामी सबैकाे संसारन्यूज

१७ मंसिर, काठमाडौं । ज्योति विकास बैंक लिमिटेडले ‘स्क्यान एन्ड विथ्ड्र’ सेवा संचालनमा ल्याएको छ। यस सेवा अन्र्तगत ग्राहकले आफनो मोबाइल फोनमा भएको ज्योति स्मार्ट एप मार्फत बैंकको काउन्टरमा रहेको क्युआर कोड स्क्यान  गरि आफनो खाताबाट सजिलै रकम झिक्न सक्ने छन् ।

बैंकले यो सेवा देश भरिका १०५ वटै शाखा कार्यालयबाट एकैपटक शुरुवात गरेको छ। सो सेवा संचालन पश्चात ग्राहकहरुले अब बैंक गएर पैसा झिक्न चेक अथवा एटिएम कार्ड बोकिरहनु नपर्ने बैंकले जनाएको छ ।

आधुनिक प्रविधिलाई आत्मसाथ गर्दै डिजिटल बैंकिङलाई थप सुदृढ बनाउनुका साथै ग्राहकहरूलाई सहज र छिटो सेवा प्रदान गर्ने हेतुले यो सेवा प्रयोगमा ल्याईएको हो।