Sansar News
१९ मंसिर काठमाडौं । नेपालमा आज काठमाडौं उपत्यकाका ६०६ जनासहित देशैभरी १२७२ जना कोरोना संक्रमित थपिएका छन् ।
स्वास्थ्य तथा जनसंख्या मन्त्रालयका अनुसार आज ८ हजार ३१ जनामा गरिएको कोरोनाको नमुना परीक्षणमा १२७२ जना नयाँ संक्रमित थपिएका हुन् । संक्रमित हुनेमा ४८४ जना महिला र ७८८ जना पुरुष रहेका छन् ।
आज थपिएका १२७२ जनासँगै नेपालमा कोरोना संक्रमितको संख्या २ लाख ३८ हजार ८६१ पुगेको छ ।
त्यसैगरी आज देशैभरीबाट १५७५ जना कोरोना संक्रमित निको भएका छन् ।
मन्त्रालयका अनुसार विभिन्न अस्पतालका आइसोलेसन सेन्टर तथा होम आइसोलेसनमा बसेका १५७५ जना कोरोना संक्रमित निको भएका हुन् ।
आज निको भएका १५७५ जनासँगै नेपालमा कोरोना संक्रमणबाट मुक्त हुनेको संख्या २ लाख २१ ह्जार ८४७ पुगेको छ ।
वि.सं.२०७७ मंसिर १९ शुक्रवार १६:४६ मा प्रकाशित
