हामी सबैकाे संसारन्यूज

२१ मंसिर, काठमाडौं । एनआईसी एशिया बैंकको २३ औं वार्षिक साधारण सभाले लाभांश पारित गरेको छ । बैंकको २३ औँ वार्षिक साधारणसभा सम्पन्न भएसगैँ प्रतावित १ अर्व ९४ करोड रुपैयाँ नाफा पारित भएको हो । बैंकको आईतबार काठमाडौंको थापाथलीस्थित बैंकको रजिष्टर्ड कार्यालयमा उक्त सभा सम्पन्न भएको छ ।

बैंकको वार्षिक साधारण सभाले गतआर्थिक वर्षको मुनाफाबाट १९ प्रतिशतथ बोनस सेयर र १ प्रतिशत नगद लाभांस पारित गरेको हो । बैंकले बोनश शेयर पारित गरेपश्चात् बैंकको चुक्ता पूँजी ११ अर्ब ५६ करोड ४० लाख ५ हजार ३ सय ६६ पुगेको छ

बैंकको आज सम्पन्न भएको साधारण सभाले आर्थिक वर्ष २०७६/७७ को सञ्चालक समितिको प्रतिवेदन, लेखापरीक्षकको प्रतिवेदन सहित २०७७ आषाढ मसान्तसम्मको वासलात, नाफा–नोक्सान हिसाब तथा नगद प्रवाह विवरण लगायतका वार्षिक विवरणहरू उपर छलफल गरी स्वीकृत गर्नुका साथै बैंकको प्रबन्धपत्र र नियमावलीमा संशोधन गर्ने प्रस्ताव पारित गरेको बैंकले जनाएको छ ।