Logo
१० जेष्ठ २०७९, मंगलवार
     Tue May 24 2022
E-paper
  English Edition
   Unicode
Logo

स्थायी समिति बैठकमा जनार्दनको विशेष प्रस्ताव – सरकारले गणतन्त्र विरोधीलाई रक्षा गर्यो (पूर्णंपाठसहित)



काठमाडौं । सत्तारुढ नेपाल कम्युनिष्ट पार्टी (नेकपा)को स्थायी समिति बैठकमा स्थायी समिति सदस्य जनार्दन शर्मा ‘प्रभाकर’ले गणतन्त्रविरोधी शक्तिहरु उत्साहित भएको भन्दै विशेष ध्यानाकर्षण प्रस्ताव पेश गरेका छन् । दुवै अध्यक्षलाई सम्बोधन गर्दै उनले यस्तो प्रस्ताव पेश गरेका हुन् ।

प्रस्तावमा शर्माले सरकारले संघिय लोकतान्त्रि गणतन्त्र नेपालको नाम बदलेर नेपाल मात्रै राख्ने निर्णय गरेसँगै गणतन्त्र विरोधी उत्साहित भएका छन् । प्रस्तावमा शर्माले गणतन्त्र विरोधीलाई सरकार अनि गृहमन्त्रालयले रक्षा गरेको जनआवाज सुनिएको बताएका छन् ।

शर्माले प्रस्तावमार्फत कोभिड भ्याक्सिन तत्काल ल्याएर जनताको जीवन रक्षा गर्दै आर्थिक गतिविधिहरु सूचारु गर्नुपर्ने बताएका छन् ।

यस्तो छ शर्माले पेश गरेको विशेष प्रस्ताव

क.अध्यक्षद्वय,
नेपाल कम्युनिस्ट पार्टी(नेकपा) ।

विषय : बिशेष प्रस्तावमा तत्काल छलफल गर्ने बारे ।

नेपाल कम्युनिस्ट पार्टी(नेकपा) संघिय लोकतान्त्रिक गणतन्त्रको संवाहक र संरक्षक समेत हो भन्ने कुरामा कुनै दुबिधा छैन । यस विचमा सरकारले संघिय लोकतान्त्रिक गणतन्त्र नेपालको नाम बदलेर नेपाल मात्र राख्ने निर्णय बाट उत्साहित गणतन्त्र विरोधिहरु आज खुलेआम संघिय लोकतान्त्रिक गणतन्त्रका विरुद्ध उत्रिएका छन । नेकपाको सरकार र गृह प्रशासन यस्ता कृयाकलापको रक्षा गरिरहेको छ भन्ने जन आवाज सुन्निन थालेको छ । बरु गणतन्त्र लोकतन्त्रका पक्षमा लडेका नेताहरुमा दमन गर्ने र गणतन्त्र विरोधी प्रति नरम व्यवहार गरेको भन्ने जनताको आरोप छ ।

यसबाट नेपाली जनतामा ठुलो असन्तुटि पैदा हुँदै जाने सन्र्दभमा नेकपाको स्थायी कमिटि बैठक संघिय लोकतान्त्रिक गणतन्त्रको रक्षा गर्न कुनै कसर बाँकी नराख्ने प्रतिवद्धता सहित दृढ संकल्प गरौ । जनताको आवाज नसुन्दा त्यसले गम्भीर परिणाम निम्त्याउने बारे हाम्रो नेतृत्व स्पष्ट नै छ । तसर्थ संघियताको पक्ष्यधर सबै पार्टीहरुको विचमा छलफल आयोजना गरी जनभावना अनुसार सरकारका कमि कमजोरीहरु सच्चाउँदै जनतामा देखिएको असन्तुटि लाई संबोधन गर्न अव ढिला गर्नु हुँदैन ।

मुख्य गरी कोभिड महामारी बारे तत्काल भ्याक्सिन ल्याइ कोरोणा भाइरस बाट जनताको जीवन रक्षा गर्नका साथै पूर्णरुपले आर्थिक गतिबिधिहरु सुचारु हुने अवस्था श्रृजना गर्नु पर्दछ । अन्य समस्याहरु समेत प्राथमिकता तोकि समाधान गनु पर्दछ । म सिंगो स्थायी समितिको बैठकको ध्यानाकर्षण गर्दै यसबारे छलफल एंव तत्काल निर्णयमा पुग्नका लागि यो विषेश प्रस्ताव प्रस्तुत गर्दछु ।

जनार्दन शर्मा (क.प्रभाकर)

मितिः२०७७/०८/२१

स्थायी कमिटी सदस्य
नेपाल कम्युनिस्ट पार्टी(नेकपा)


यो खबर पढेर तपाईलाई कस्तो महसुस भयो ?

स्थानीय चुनाव सकिनै लाग्दा जबरजस्त रुपमा एउटा घमण्डको अन्त भयो । नेकपा एमालेले योभन्दा

काठमाडौं । स्थानीय तहको निर्वाचनको परिणाम आउनेक्रम जारी छ । हालसम्म ७ सय २९

काठमाडौं । स्थानीय तहको निर्वाचनअन्तर्गत अन्तिम नतिजा आएका ७ सय २९ पालिकामध्ये स्वतन्त्र उम्मेदवारले

काठमाडौं । अन्तिम नतिजा आएका ७ सय ७ पालिकामध्ये नेकपा (माओवादी केन्द्र)ले १ सय